हेटौंडामा युथ मोटिभेसनल सेमिनार हुने

 १०भदौ, हेटौंडा।हेटौंडामा युथ मोटिभेसनल सेमिनार हुने भएको छ ।

चर्चित पाइलट तथा कलाकार विजय लामाको उपस्थितीमा हेटौंडामा युथ मोटिभेसनल सेमिनार हुने भएको हो। मंगलबार हेटौंडामा पत्रकार भेटघाटको आयोजना गर्दै रोट्रयाटक क्लब अफ हेटौंडाले यस बारेमा जानकारी दिएको हो।

पत्रकार सम्मेलनमा बोल्दै क्लबका अध्यक्ष सरोज देवकोटाले विद्यार्थीहरुको  विभिन्न सोच विचारमा परिवर्तन गर्न र भविष्यमा कसरी अघि बढ्ने भन्न विषयमा मोटिभेसनल सेमिनारको आयोजना गरिएको  बताए । 

सेमिनारमा करिब हेटौंडाका विभिन्न क्याम्पस/कलेजका ६५० जना विद्यार्थीहरुको सहभागिता रहने कार्यक्रम संयोजक समिन ढुङगानाले बताए । भदौको १५ गते हेटौंडा ५ मा रहेको पुजा व्याङ्क्वेटमा कार्यक्रम हुने उनले बताए ।कार्यक्रममा विद्यार्थीहरुले सहभागिता जनाउन पाइने र प्रवेश शुल्क एक सय लाग्ने संयोजक ढुङ्गानाले बताए । कार्यक्रममा विजय लामा र सौनक भट्टले सेमिनारमा मोटिभेसनल विचार राख्ने आयोजकले जनाएको छ ।  नविल बैंक कार्यक्रमको मुख्य प्रायोजकको रुपमा रहेको छ । प्रवेश टिकटको लागि हेटौंडा ४ इन्द्रेणी बजारमा रहेको एआर ग्राफिक्स र भैरवरोडबाट कान्तिराजपथ जाने माता सप्लायर्समा उपलब्ध हुने आयोजकले जनाएको छ ।

विभिन्न किसिमका सामाजिक कार्य गर्दै आएको क्लबले केहि दिनअघि मनहरी ज्यामिरेमा निशुल्क दन्त परीक्षण शिविर कार्यक्रमको आयोजना गरेको थियो ।