दुई तिहाईको सरकारले देशमा अधिनायकवाद लादेः नेता महत

११ भदौँ,हेटौँडा । पूर्व अर्थमन्त्री तथा नेपाली कांग्रेसका केन्दिँय सदस्य रामशरण महतले अहिलेको दुई तिहाईको सरकारले देशमा अधिनायकवाद लादेको आरोप लगाएका छन । 
नेपाल तरुण दल मकवानपुरले बुधबार हेटौँडामा आयोजना गरेको  तीज विशेष सांस्कृतिक तथा तिज बिषेश दर खुवाउने कार्यक्रमलाई सम्बोधन गर्ने क्रममा यसो बताएका हुन्।
नेता महतले कांग्रेसको दर्शन तथा सिद्धान्तमा हिडेका नेपालका कम्युनिष्टहरु अब छिट्टै नेपालबाट पलायन हुने बताएका छन। उनले कांग्रेस गुट उपगुटमा उल्झेर बस्नु भन्दा विगतमा गरेको गल्तिलाई सच्चयाएर अघि बढ्नुपर्ने बताएका छन । 
तरूण दल मकवानपुरका अध्यक्ष ईश्वर पाठकको सभाध्यक्षतामा भएको कार्यक्रममा  कांग्रेस केन्द्रीय सदस्य महालक्ष्मि डिना उपाध्याय, तरूण दलका नेपालका केन्द्रीय अध्यक्ष जितजंग बस्नेत, तरूण दलका केन्द्रीय कोषाध्यक्ष बिदान गुरूङ, कांग्रेस मकवानपुर कार्यवाहक अध्यक्ष विष्णु लामिछाने, निवर्तमान सभापति रघुरमण न्यौपाने, प्रमुख सल्लाहकार माईकल रामचन्द्र अर्याल, सचिव बुद्ध लामा, सल्लाहकारहरु सल्लाहकारद्वय उमा दाहाल र रिता खनाल, महिला संघ मकवानपुरकी अध्यक्ष लक्ष्मी श्रेष्ठ लगायत  भातृ संघ सस्थाका प्रतिनिधिहरुको सहभागिता रहेको थियो । कार्यक्रममा राप्रपा पार्टी परित्याग गरि २५ जनाले नेपाली कांग्रेसमा प्रबेश गरेका छन ।