अार्मीले लियो हारको बदला, गोल्ड कप कव्जा

२३ पुस, हेटौंडा । मनाङ मर्स्याङ्दी क्लबसंग पहिलो संस्करणको हारको बदला लिँदै त्रिभुवन आर्मी क्लबले हेटौँडामा सम्पन्न दोश्रो हेटौँडा अन्तराष्ट्रिय गोल्ड कप फुटबलको उपाधि कब्जा गरेको छ । फरेष्टी खेल मैदानमा शनिबार भएको फाईनल प्रतिस्पर्धामा मनाङलाई २-० गोल अन्तरले पराजित गर्दै आर्मीले उपाधिमा कब्जा गरेको हो । 
खेलको १८ औँ मिनेटमा आर्मीका तर्फबाट भरत खवासले पहिलो गोल गरे । मनाङ अाफ्नो फरवार्ड अफिज ओलावलेले खेलको मुख्य रेफ्री सुदिश पाण्डेलाई अपशब्द प्रयोग गरेपछि रातो कार्ड पाएर मैदानबाट बाहिरिएसंगै १० खेलाडिका भरमा खेल्न बाध्य भयो । खेलको ८४ औँ मनेटमा सन्तोष तामाङले अन्तिम गोल गरे । शनिबारको प्रतियोगितामा उत्कृष्ट प्रर्दशन गरेका सन्तोष तामाङ म्यान अफ द म्याच भए ।

बिजेता अार्मीले उपाधिसँगै नगद ५ लाख सहित शिल्ड, मेडल तथा प्रमाणपत्र प्राप्त गरेको छ भने उपविजेता मनाङ मस्र्याङ्दीले ३ लाख सहित शिल्ड, मेडल तथा प्रमाणपत्र प्राप्त गरेको छ । 
प्रतियोगिताभर सर्वोत्कृष्ट प्रर्दशन गरेका आर्मी मिडफिल्डर सन्तोष तामाङ सर्वोत्कृष्ट खेलाडी बन्दै ५० हजार नगद प्राप्त गर्दा आर्मीकै विकेश कुथु उत्कृष्ट गोलकीपर, आर्मीकै भरत खवास बेष्ट फरवार्ड, आर्मीका प्रशिक्षक नविन न्यौपाने बेष्ट प्रशिक्षक तथा  मनाङ मस्र्याङ्दीका विराज महर्जन बेष्ट डिफेन्डर हुँदै नगद १५/१५ हजार प्राप्त गरे ।

कार्यक्रम समापनको अवसरमा पत्रकार प्रताप विष्टलाई १५ हजार ५ सय सहित सम्मानित गरिएको थियो ।