टोल विकास संस्थाद्वारा बुबा सम्मान

१३ भदौ, हेटौँडा । कुशे औशी अर्थात बुबाको मुख हेर्ने दिनको अवसरमा हेटौडा–१७ कुमलटारमा रहेको कुमलटार कमलपोखरी टोल विकास संस्थाले बुबाहरुलाई सम्मान पत्र र नगदसहित सम्मान गरेको छ ।
टोल विकास भित्र रहेका ७० वर्ष उमेर पुगेका बुबाहरुलाई सम्मान गरिएको थियो । सम्मानित हुनेहरुमा विश्वनाथ घिमिरे, टंकबहादुर बस्नेत, रुद्रप्रसाद वाग्ले, मनोरथ गौतम, कृष्णप्रसाद घिमिरे, भीमप्रसाद फुयाल रहेका छन । यसैगरी सुब बहादुर न्यौपाने, हर्ष बहादुर सुर्खेती, ढक प्रसाद चौलागाई, तारानाथ घिमिरे, मदन बहादुर सुर्खेती, मुरली बहादुर सुर्खेती रहेका छन् । 
नेकपा मकवानपुरकी अध्यक्ष एवम प्रदेश सभा सदस्य मुनु सिग्देलको प्रमुख आतिथ्यता एवं टोल विकास संस्थाका अध्यक्ष जयराम घिमिरेको अध्यक्षतामा कार्यक्रम भएको थियो । 
कार्यक्रममा हेटौडा–१७ का वडा अध्यक्ष भैरब बहादुर राई, नगर कार्यपालिका सदस्य कृष्ण बहादुर राई, मकवानपुर नमूना प्रगति सहकारीका अध्यक्ष मिठाराम दाहाल, टोल विकास संस्था नगर समन्वय समितिका सदस्य विष्णुप्रसाद ढुंगाना, टोल विकास संस्था ६ नम्बर वडा समन्वय समितिका अध्यक्ष केशव धिताल, संचारकर्मी भीमसेन पौडेल, चुच्चेखोला सामुदायिक वनकी उपाध्यक्ष कल्पना पराजुली, बालजागृति युवा वर्ष माविका प्रधानाध्यापक गोपाल चन्द्र भट्टराई लगायतले मन्तव्य व्यक्त गरेका थिए ।