उपभोक्ता मञ्च मकवानपुरको अनुगमन, डम्पिङ साइट र पुराना टायर डेङ्गुको मुख्य कारण

१८ भदौ, हेटौंडा। हेटौंडा नगर क्षेत्रका विभिन्न स्थानमा डेङ्गु देखिएपछि त्यसको न्युनिकरणका लागि उपमहानगरपालिकाले कदम चालिरहदा हेटौंडा उपमहानगरपालिका र बजार क्षेत्रका ग्यारेजमा जथाभावी फालिएका टायर डेङ्गुको मुख्य कारण रहेको पाइएको छ।

उपभोक्ता मञ्च नेपालले बुधबार अनुगमनकट क्रममा विभिन्न वडा बाट संकलन गरिएको टायर डम्पिनसाइडमा वेवस्थीत तरीकाले नराखदा जेखिम बढेको बताएको छ।बुधबार उपभोक्ता मञ्च नेपालले हेटौंडा अस्पताल र उपमहानगरले गर्ने गरेको डम्पिन साइडको  अनुगनम गर्दा टायर थुपारिएको ठाउँमा नै पानी जमेको र लामखुट्टेहरु उत्पादन भइरहेको जनाएकाे छ।

 उक्त टायरलाई व्यवस्थितरुपमा नराखेकोले झन खतरा बढ्ने मञ्चका सचिव नवराज कोइरालाले बताएका छन् । हेटौंडा अस्पताल अनुगमनका क्रममा मञ्चले अस्पताल व्यवस्थापन समितिका अध्यक्ष प्रकाश पौडेल र मेसु प्रविण श्रेष्ठलाई डम्पिङ साइटको बारेमा अवगत गराएका थिए।

हेटौंडा उपमहानगरपालिकाले विभिन्न स्थानबाट टायर संकलन गरेको टायर र घरको छतमा वा ग्यारेजहरुमा राखिएको पुरानो टायरहरुमा पानी जम्ने र लामखुट्टेले आफ्नो जीवनचक्र सञ्चालन गर्ने भएकाले टायरहरु संकलन गरिएको थियो । 

अनुगमनको क्रममा उपमहानगरले गरेको लापरबाही जुन टायर संकलन गरि व्यवस्थित नगरि अस्तव्यस्त रुपमा थुपारेर राखेको पाइएको मञ्चका अध्यक्ष कुमार पौडेलले बताएका छन् । अनुगमनमा  मञ्चका अध्यक्ष कुमार पौडेलसल्लाहकार कापिला जोशी, केशव श्रेष्ठ, उपाध्यक्षद्धय कपिल अर्याल र कृष्ण अर्याल,सचिव नवराज कोइराला, सदस्य विमला थिङ, उपभोक्ता हित संरक्षण मञ्चका केन्द्रीय सदस्य बासु खतिवडा लगायतको सहभागिता रहेको थियो ।