डेंगूबाट बच्न लाममुट्टेको टोकाईबाट बच्नुसः चिकित्सक

२१ भदौ, हेटौंडा । चिकित्सकहरुले डुेंगू रोगको संक्रमण हुन नदिन लामखुट्टेको टोकाईबाट बच्न सुझाव दिएका छन । शुक्रबार काठमाडौंमा आयोजित साक्षात्कार कार्यक्रममा बोल्दै चिकित्सक डा. बासुदेव पाण्डेले लामखुट्टेको टोकाईबाट बच्न सके यो रोगबाट बच्न सकिने बताएका हुन् ।
उनले डेंगू रोगको संक्रमण बढेपनि महामारीको रुपमा नफैलिएको बताए । शुक्रराज ट्रफिकल तथा सरुवा रोग अस्पतालका निर्देशक समेत रहेका पाण्डेले धेरैजसोमा सो रोगको सामान्य संक्रमणमात्रै देखिएको जानकारी दिए ।
चिकित्सकहरुका अनुसार यो रोग नेपालमा महामारीको रुपमा फैलिएको छैन । यो रोगबाट बच्न सरकारले लामखुट्टे नियन्त्रण गर्ने अभियानलाई घरघरमा संचालन गरिरहेको पनि इपिडिमियोलोजी तथा रोग नियन्त्रण महाशाखाका प्रमुख डा. विवेक लालले बताए । उनले सबैभन्दा बढि सो रोगको संक्रमण कास्की जिल्लामा देखिएको जानकारी दिए ।
सरकारको पछिल्लो तथ्यांक अनुसार हालसम्म ४२ भन्दा बढी जिल्लामा यो रोगको संक्रमण देखिएको र साउन १ गतेदखि भदौ १७ गतेसम्म २५५९ जनामा डेंगु रोगबाट संक्रमित भएको छ । 
चिकित्सक लालका अनुसार हालसम्म प्रदेश १ मा ७५३ जना, प्रदेश २ मा २३ जना, प्रदेश ३ मा १०९३ जना, प्रदेश ४ मा ५७२ जना, प्रदेश ५ मा १०५ जना, प्रदेश ६ मा २ जना र प्रदेश ७ मा १२ जना यस रोगबाट संक्रमित भएका छन् । फोटोः गुगल