हाँडीखोला यूथ क्लबलाई हंस निर्माण सेवाको सहयोग

२१भदौ, हेटौंडा। मकवानपुर जिल्ला लिग फुटबल प्रतियोगितामा सहभागिता जनाएको हाँडीखोला यूथ क्लबलाई जर्सी सहित आवश्यक खेल सामाग्री सहयोग गरिएको छ।

 हंस निर्माण सेवाले क्लबलाई आवश्यक  जर्सी सहित खेल सामाग्री सहयोग गरेको छ । मनहरी गाउँपालिका–५ हाँडीखोला डिल्लीपुर निवासी युवा व्यवसायी राजकुमार बर्तौला सञ्चालक रहेको हंस निर्माण सेवाले एकसेट जर्सीसहित आवश्यक सामग्री सहयोग गरेको हो ।

शनिबार एक कार्यक्रमकाबीच बर्तौलाले हाँडीखोला यूथ क्लबका अध्यक्ष गणेशदर्पण अधिकारी, उपाध्यक्ष शिवराज बर्तौला, सचिव आशिष बर्तौलासहित क्लवका पदाधिकारी एवम् खेलाडीहरुलाई जर्सी हस्तान्तरण गरेका हुन् । सामाजिक उत्तरदायित्व एवम् खेलकुदलाई बढावा दिने उद्देश्यले सहयोग गरिएको राजकुमार बर्तौलाले बताए । ‘यसअघि हाँडीखोलाको प्रतिनिधित्व गरेर जिल्ला लिगमा कुनै क्लब सहभागी भएको थाहा छैन । यो पटक हाँडीखोला यूथ सहभागी भएको छ’, उनले भने, ‘नयाँ क्लब भएकोले सहयोग आवश्यक ठानेर जर्सीसहित आवश्यक सामग्री उपलब्ध गराएको हुँ ।’ उनले करिब २५ हजार रुपैयाँ बराबरको सामग्री उपलब्ध गराएका हुन् ।

।आगामी दिनमा समेत आवश्यक सहयोग जारी रहने बर्तौलाले  प्रतिबद्धता जनाएका छन् । जिल्ला लिग फुटबलको लागि हाँडीखोला यूथ क्लवलको टोली तयार रहेको क्लवका कोषाध्यक्ष प्रदीप अधिकारीले जानकारी दिए । छोटो समयमा हाँडीखोला क्षेत्रकै युवा खेलाडीलाई समेटेर टिम तयार पारिएको जानकारी दिँदै उनले आगामी बर्षहरुको लागि थप तयारी गरिने बताए । हाँडीखोला यूथ क्लवले पहिलो खेल आइतबार बिहान हटिया स्पोर्टस् एकेडेमीसंग खेल्दैछ ।