लागुऔषध, कालोबजारी नियन्त्रण मेरो पहिलो प्राथमिकता: प्रजिअ जोशी

२२भदौ, हेटौंडा। मकवानपुर सरुवा भई आएका मकवानपुरका प्रमुख जिल्ला अधिकारी प्रेमराज जोशीले अब मकवानपुरमा हुने लागु औषध गाँजा अफिम खेती र अोसार प्रसारमा कडाइका साथ नियन्त्रण गरीने र कारोबारीलाई नै पक्राउ गर्ने बताएका छन्।

आइतबार पत्रकारसंगको भेटघाटमा बोल्दै प्रजिअ जोशिले मकवानपुरमा लागु औषध नियन्त्रण गर्ने जस्तो सुकै कदम चाल्न पछि नहट्ने भन्दै मकवानपुरमा विगतमा गाँजा बोक्ने भरिया मात्र पक्राउ गरिएकोमा अब मुख्य कारोबारीलाई पक्राउ गरिने बताएका छन्।

केहि दिन ललितपुरबाट मकवानपुर सरुवा भई आएका प्रमुख जिल्ला अधिकारी प्रेमराज जोशीले मकवानपुरबाट गाँजा ओसार प्रसार गर्ने भरिया होइन किनबेच गर्ने मानिस समात्ने बताएका छन्, ।

त्यसैगरी हेटौडाको चर्चाको बिषय रहेको २५ मिटर सडक विस्तारलाई चासोको रुपमा हेरिने र जिल्लामा हुने अनियन्त्रित नदि दोहनलाई कडाईका साथ नियन्त्रण गरीने बताएका छन्।प्रजिअ जोशिले भने २५ मिटर सडक विस्तार, गाँजा उत्पादन, राजमार्गमा हुने अत्याधिक दुर्घटना र नदि उत्खनन  विषयलाई  चासोको रुपमा हेरिने छ । मकवानपुर जिल्ला प्रदेश ३ को राजधानी समेत रहेकोले सम्रग जिल्लाको शान्ति सुरक्षा कायम गर्नु  आफ्नो पहिलो प्राथमिकता रहेको बताए।

पत्रकार भेटघाटमा सहभागिता संचारकर्मीहरुले नजिकिँदै गरेको  चाडवाड र चाडवाडमा हुने कालोबजारी ,यातायातमा हुने भाडा वृद्धिमा प्रशासनको  निगरानी र अनुगमन गर्न सुझाव दिएका थिए। प्रजिअ जोशि ललितपुरबाट सरुवा भइ मकवानपुर आएका हुन।