सामुहिक करणी गरी फरार भएका ९ जना नवलपरासी प्रहरीद्वारा पक्राउ  

 २३ भर्दौ, नवलपरासी । नवलपरासी प्रहरीले १९ बर्षे युवतीलाई  सामुहिक  करणी गरी फरार रहेका ९जनालाई पक्राउ गरेको छ । 
कार्यालयबाट घर जादै गरेकी १९ बर्षे एक युवतीलाई जिल्लाको सुस्ता गाउँपालिका ३ सेखुबाना स्थित उखु बारीमा लगेर  सामुहिक  करणी गरी फरार रहेका १० जना मध्ये ९ जनालाई प्रहरीले पक्राउ गरेको जिल्ला प्रहरी कार्यालय नवलपरासीका प्रहरी प्रवक्ता प्रहरी नायव उपरीक्षक बिरेन्द्र थापाले बताएका छन ।
ईलाका प्रहरी कार्यालय बेलटारीका प्रहरी प्रमुख प्रहरी निरीक्षक प्रकाश श्रीमल क्षेत्रीको कमाण्डमा खटि गएको प्रहरीटोली फरार भएका १० जनामध्य ९ जनालाई  २४ घण्टा नबित्दै सोमबार  नेपाल भारतको सिमा क्षेत्रबाट लुकेर बसेको अवस्थामा प्रक्राउ गरिएको प्रहरी नायव उपरीक्षक थापाले जानकारी दिएका छन। प्रक्राउ पर्नेमा सुस्ता गाउँपालिका ३ सेखुबाना बस्ने ३६ बर्षीय सुरेन्द्र यादव त्यसैगरी सोही ठाँउ बस्ने ४० बर्षीय नेत्र चौधरी, २५ बर्षीय मनमोहन राजभर, २२ बर्षीय शिवराज राजभर, १९ बर्षीय राजु मुसहर, २२ बर्षीय अमरनाथ भेडियार, २२ बर्षीय पिन्टु राजभर, २२ बर्षीय सन्दिप यादव, ३७ बर्षीय भिमलाल मुसहर रहेको प्रहरी नायव उपरीक्षक थापाले बताएका छन ।
युवतीको भैरहवा स्थित अस्पतालमा उपचार भईरहेको र जवरजस्ती करणी गरेको आरोपमा पक्राउ परेका ९ जनालाई जिल्ला प्रहरी कार्यालयको हिरासतमा राखि थप अनुसन्धान भईरहेको र फरार एक जनाको खोजि कार्य भईरहेको प्रहरीले जनाएको छ ।