मकवानपुरका  एक बर्षमा एक सय ५८ जनाले गरे आत्महत्या

 २४ भदौ,हेटौँडा ।नेपालमा १४ देखि २१ बर्ष उमेर समुहका व्यक्तीहरुले बढी आत्महत्या गर्ने गरेको र पछिल्लो एक बर्षमा मकवानपुरका एकसय ५८ जनाले आत्महत्या गरेको तथ्याङक सार्वजनिक भएको छ । 
समुदाय प्रहरी साझेदारी कार्यक्रम अन्तगर्त  जिल्ला प्रहरी कार्यालय मकवानपुर तथा सामुदायिक सेवा केन्द्र थानाभ¥याङको संयुक्त संयोजनमा मंगलबार हेटौँडामा भएको आत्महत्या रोकथाम सम्बन्धि अन्तरक्रिया कार्यक्रममा यो तथ्याङक सार्वजनिक गरिएको हो ।  
कार्यक्रममा बोल्दै मकवानपुरका प्रहरी प्रमुख प्रहरी उपरीक्षक मुकेश कुमार सिंहले १४ देखि २१ बर्ष उमेर समुहका युवाहरुमा आत्महत्याको दर बढदै गएको र प्रत्येक ४० सेकेण्डमा १ जनाले आत्महत्या गर्ने गरेको बताएका छन । उपरीक्षक सिंहले नेपाल दक्षिण एशियामा श्रीलंकापछि बढी आत्महत्या हुने देशमा रहेको बार्षिक ५ हजार जनाले आत्महत्या गर्ने गरेको र पछिल्लो एक बर्षमा मकवानपुरका एकसय ५८ जनाले आत्महत्या गरेको बताएका छन । 
अन्र्त्क्रिया कार्यक्रममा बोल्दै तिन नम्बर प्रदेश प्रहरी कार्यालय हेटौँडाका वरिष्ठ प्रहरी उपरीक्षक राजेन्द्र प्रसाद चौधरीले प्रहरीले मात्र आत्महत्या रोक्न नसक्ने भन्दै आत्महत्या न्यूनिकरणका लागि सबै क्षेत्रबाट सहयोग हुनुपर्ने बताएका छन । 

सामुदायिक सेवा केन्द्र थानाभ¥याङका अध्यक्ष शालिकराम पुडासैनीको सभाध्यक्षतामा भएको कार्यक्रममा  तिन नम्बर प्रदेश प्रहरी कार्यालय हेटौँडाका वरिष्ठ प्रहरी उपरीक्षक राजेन्द्र प्रसाद चौधरीको प्रमुख आतिथ्यता रहेको थियो। कार्यक्रममा मकवानपुर प्रहरी प्रमुख प्रहरी उपरीक्षक मुकेश कुमार सिँह, सशस्त्र प्रहरी १४ नम्बर गण हेटौँडाका प्रहरी उपरीक्षक बिकास घिमिरे, प्रहरी उपरीक्षक अरुण पौडेल, हेटौंडा वडा नम्बर ११ का अध्यक्ष गोकर्ण प्रसाद पराजुली, हेटौंडा अस्पतालका चिकित्सक डाक्टर सागर काफ्ले ,डाक्टर सन्ध्या अधिकारी लगायत सारेकारबाला निकाय,पत्रकार लगायतकाको सहभागिता रहेको थियो ।