२५ भदौ, हेटौंडा । भारतको कर्णाटकस्थित बेलगावी जिल्लामा एक २१ वर्षीय युवकले मोबाइल गेम पब्जी खेल्न नदिएका कारण आफ्नै बाबुको घाँटी रेटेर हत्या गरेका छन् ।
रघुबीर कुम्भर नामका ती युवकलाई पब्जी खेल्ने लत लागेको थियो र त्यसले उनको पढाइमा असर गरिरहेको थियो । बेलगावीका प्रहरी कमिस्नर बीएस लोकेशकुमारले बीबीसीलाई बताएअनुसार सो युवकलाई पब्जीको लत रहेकोले उनी आफ्ना बाबुले मोबाइल चार्ज गरे हुन्थ्यो भन्ने चाहन्थे ताकि गेम खेल्न सकियोस् ।
यो विषयलाई लिएर बाबु छोराको सो दिन झगडासमेत भएको थियो । त्यसपछि छोराले आफ्नी आमालाई कोठाबाट बाहिर जान आग्रह गरेको थियो । लगत्तै उसले आफ्नो बाबुको हत्या गरेको थियो । सो घटनापछि अभियुक्त युवककी आमा चिच्याउँदै घर बाहिर निस्किन् । छिमेकीले प्रहरीलाई बोलाए । रघुबीरलाई प्रहरीले गिरफ्तार गरेको छ ।
युवकका पिता शेखरप्पा प्रहरी विभागका अवकाश प्राप्त कर्मचारी हुन् । उनले सो घटनाको एक दिनअघि आफ्नो छोराको लतको बारेमा प्रहरीलाई सूचना दिएका थिए । प्रहरीलाई उनले आफ्नो छोराले घरमा ढुंगा फ्याक्ने गरेको समेत बताएका थिए । सो विषयलाई लिएर शेखरप्पा प्रहरी स्टेशनमा जानुपरेको थियो ।
रघुबीरमाथि मोबाइल गेम खेल्न नदिँदा गर्दा घरमा ढुंगा प्रहार गर्ने गरेको आरोप पहिला नै लागेको थियो । यस प्रकारको व्यवहारले रघुबीरको मानसिक अवस्थाको अनुमान लगाउन सकिने विज्ञहरु बताउँछन् ।
नेशनल इन्स्टिच्युट अफ मेन्टल हेल्थ एण्ड न्यूरो साइन्सेजका अतिरिक्त प्रोफेसर डा. मनोजकुमार शर्माले बीबीसीलाई भने,“जब आमा बाबुले बच्चासँग मोबाइल फोन फिर्ता लिन्छन् वा उनीहरुलाई गेम खेल्न दिँदैनन् त्यसले गेमको लतमा परेका बच्चालाई सबैभन्दा बढी असजिलो महसुस हुन्छ । उनीहरु चिडचिडाहट र रिस देखाउन थाल्दछन् ।”
डा. शर्मा अहिलेसम्म खेलका कारणले कसैको व्यवहारमा परिवर्तन आएको प्रमाण फेला नपरे पनि हिंस्रक गेम खेल्नाले उनीहरुको व्यवहारमा परिवर्तन आएको आफन्तहरुले बताएको उल्लेख गर्छन् ।
उनका अनुसार यसप्रकारको व्यवहारको मुख्य कारण मानिस बाहिरको दुनियाँसँग पुरै सम्पर्कविच्छेद अवस्थामा रहनु हो । उनीहरुले यही आफ्नो दुनियाँ भएको सोचिरहेका हुन्छन् ।
डा. शर्मा यस्ता गेम खेल्ने कतिपयलाई कुनै प्लेयर, स्ट्रीमर वा गेम डेभलपरको जस्तो रोजगारी समेत मिल्ने विश्वास पलाउने गरेको बताउँछन् । पछिल्लो समयमा आएर यस्ता विषयमा मनोवैज्ञानिक तथा मनोचिकित्सकले चिन्ता व्यक्त गर्न थालेका छन् ।
डा. शर्माका अनुसार उनको क्लिनिकमा आउने १० जनामा सात वा आठ मानिस अत्यधिक मोबाइल प्रयोगका कारण समस्यामा पर्ने गरेको पाइएको छ ।
उत्तरी कर्णाटकको हुबलीस्थित मानस इन्स्टिच्युट अफ मेन्टल हेल्थका सिनियर मनोचिकित्सक डा. विनोद कुलकर्णी भन्छन, “हामीलाई ग्रामीण तहबाट पनि तीन चार सय मामिला त्यस्ता आएका छन् जसमा मोबाइल फोनका कारण समस्या परेको पाइएको छ । उनीहरुले मोबाइलको लतका कारण समस्या आएको बताउने गरेका छन् ।”
डा. शर्मा लतको शिकार भएका व्यक्तिलाई एकै झड्कामा लतबाट मुक्त गर्न असम्भव हुने बताउँछन् ।
यस्ता व्यक्तिलाई विस्तारै जागरुक बनाउन आवश्यक हुने उनको भनाइ छ । उनी त्यस्तो लत भएका बच्चालाई काउन्सिलिङ गर्नुपर्ने समेत बताउँछन् । गेम खेल्नु खराब कुरा नभए पनि अति नै खेल्नुले भने समस्या ल्याउने उनको भनाइ छ । (बाह्खरी÷बीबीसी)
२२ बैशाख, हेटौंडा । मकवानपुर गृह जिल्ला भई कान्तिपुर दैनिकमा कार्यरत पत्रकार होम कार्कीलाई पितृशोक परेको छ ।...
२२ बैशाख, हेटौंडा। बागमती प्रदेशको एक मात्र उपमहानगरपालिका हेटौंडा उपमहानगरपालिकाले शैक्षिक सत्र २०८१ बाट...
२२ बैशाख, हेटौंडा । इन्डियन प्रिमियर लिग (आईपिएल) अन्तर्गत गएराति भएको खेलमा मुम्बई इन्डियन्समाथि कोलकाता नाइट...
२२ बैशाख, धनगढी । सुदूरपश्चिम प्रदेशका मुख्यमन्त्री दीर्घबहादुर सोडारीले आज विश्वासको मत लिने भएका छन् । सो...
२२ बैशाख, काठमाडौँ । अमेरिकाले प्रत्येक वर्ष सञ्चालन गर्दै आएको डाइभर्सिटी भिसा २०२५ को नतिजा आज बेलुका...
२२ बैशाख, काठमाडौँ । नेपाल र वेष्ट इन्डिज ‘ए’ बिचको टी–२० श्रृंखलाअन्तर्गत अन्तिम खेल आज हुँदैछ । खेल...
२२ बैशाख, हेटौंडा । हाल नेपालमा पश्चिमी वायु र स्थानीय वायुको आंशिक प्रभाव रहेको छ । देशभर आंशिक देखि साधारणतया...
२१ बैशाख, हेटौंडा। विद्यार्थीलाई डढेलाेकाे बारेमा सचेतना गराउने उद्वेश्यका साथ हेटाैडा ६ चाैघडामा रहेकाे...
२१ बैशाख, जनकपुर । लोकतान्त्रिक समाजवादी पार्टी (लोसपा) का मधेश प्रदेशसभा सदस्य अभिराम शर्मा निलम्बित भएका छन्...
१२ बैशाख, हेटौंडा । बागमती प्रदेश सरकारले वैशाख २४ गते सार्वजनिक बिदा दिने निर्णय गरेको छ । प्रदेश सरकारको बुधवार...
९ बैशाख, हेटौंडा। पूर्व पश्चिम राजमार्ग अन्तर्गत हेटौंडा-१० मा भएको सवारी दुर्घटनामा घाईते व्यक्तिको उपचारको...
१० बैशाख, हेटौंडा। सरकारले मंगलबार सार्वजनिक बिदा दिएको छ। कतारका राजा अमिर शेख तमिम बिन हमाद अल थानीको नेपाल...
१२ बैशाख, हेटौंडा। त्रिभुवन राजपथ अन्तर्गत मकवानपुरको भीमफेदी-३ त्रिखण्डी नजिक मोटरसाइकल सुमोसँग ठक्कर खादा...
१४ बैशाख, हेटौंडा । काठमाडौँको न्युरोडबाट एक किलो ८ सय ग्राम सुन र डेढ करोड नगदसहित ७ जना पक्राउ परेका छन् । पक्राउ...
१५ बैशाख, हेटौंडा। हेटौंडा हुदै काठमाडौँ जोड्ने बैकल्पिक मार्गको रुपमा रहेको कान्तिलोकपथ बैशाख १६ गते ...
१३ बैशाख, हेटौंडा। मकवानपुरको मनहरीमा खोलामा डुबेर एक जनाको मृत्यु भएको छ ।बिहीबार दिउँसो मनहरी खोलामा नुहाउन...
१८ बैशाख, ललितपुर । ललितपुरको गोदावरी नगरपालिका–४ स्थिति तपेश्वर सामुदायिक वनमा लागेको डढेलो निभाउने क्रममा...
१३ बैशाख, हेटौंडा। बिहीबार बिहान प्लाष्टिक बालेर प्रदुषण भएपछि हेटौंडा-१७ का स्थानीयले अवरोध गरेको हेटौंडा १६...