जिल्ला लिगः शुक्रबार तीन खेल सम्पन्न

२७ भदौ, हेटौंडा । हेटौंडामा जारी दानबहादुर श्रेष्ठ स्मृति जिल्ला लिग फुटबल प्रतियोगिताअन्र्तगत शुक्रबार पनि तीन खेल सम्पन्न भएका छन् ।
शुक्रबार भएका खेलहरुमा विजय युथ क्लब, हटिया स्पोर्ट एकेडेमी र हाडिखोला फुटबल क्लब विजयी भएका छन् ।
शुक्रबार बिहान भएको पहिलो खेलमा विजय युथ क्लबले रिभाईबल फुटबल क्लबलार्इृ २–१ गोल अन्तरले पराजित गर्यो । विजय युथ क्लबका लागी सुनिल घलानले २ गोल गरे भने रिभाईबल फुटबल क्लबका लब्सन पोखरेलले १ गोल फर्काए ।
यसैगरी शुक्रबार दिउसो भएको दोश्रो खेलमा हटिया स्पोर्ट एकेडेमीले परेली युवा समाजलाई ४–० गोलअन्तरले पराजित गरेको हो । हटिया स्पोर्ट एकेडेमीकालागी शम्भु नेगीले ह्याट्रिक पुरा गरे भने आयुर घलानले १ गोल गरे । 
यस्तै शुक्रबारको तेश्रो तथा अन्तिम खेलमा हाडिखोला फुटबल क्लब विजयी भएको छ । हाडिखेलाले इन्टरनेट सिटीलाई १–० गोल अन्तरले हराएको हो । उसका लागी एकमात्र निर्णायक गोल सुजन राईले गरे ।  
भदौ १८ गते बुधबारबाट सुरु भएको प्रतियोगिता आगामी असोज ११ गतेसम्म चल्नेछ । लिगको विजेताले नगद १ लाख रुपैयाँ र उपविजेताले ५० हजार रुपैयाँ पुरस्कार प्राप्त गर्ने आयोजक जिल्ला फुटबल संघ मकवानपुरले जनाएको छ ।