वडा प्रहरी कार्यालय हेटौडाको डेंगु नियन्त्रणका लागि अन्तरक्रिया

२८ भदौ, हेटौंडा। हेटौंडामा डेङ्गु रोग नियन्त्रण तथा रोकथामका लागि सरोकारवालाहरुसँग अन्तरक्रिया कार्यक्रमको आयोजना गरिएको छ।

मकवानपुरका विभिन्न स्थान सहित हेटौंडा उपमहानगरपालिकाको विभिन्न वडामा समस्याको रुपमा देखिएको ङेगु रोग र त्यसको रोकथामका लागि सरोकारवालाहरुसँग अन्तरक्रिया कार्यक्रमको आयोजना गरिएको छ।वडा प्रहरी कार्यालय हेटौडाको आयोजनामा शनिबार डेङ्गु रोग नियन्त्रण तथा रोकथामका लागि    सरोकारवाला निकायसँग अन्तरक्रिया कार्यक्रमको आयोजना गरिएको हो।

वडा प्रहरी कार्यालय हेटौडाका प्रहरी प्रमुख, प्रहरी निरीक्षक ईश्वरी प्रसाद भण्डारीको सभाध्यक्षतामा भएको कार्यक्रममा सामुदायिक प्रहरी सेवा केन्द्र हेटौंडा ११का अध्यक्ष सालिकराम पुडासैनीको प्रमुख आतिथ्यता रहेको थियो। कार्यक्रममा हेटौडा ४ नम्बर वडा अध्यक्ष नविन सिग्देल, पत्रकार महासंघ मकवानपुर उपाध्यक्ष कुमार अधिकारी,  प्रदेश ३ स्वास्थ्य निर्देशनालयका रमेश अधिकारी,नगर स्वास्थ्य समन्वय इकाइ हेटौंडाका सुपेन्द्र कार्की, जिल्ला स्वास्थ्य कार्यालय मकवानपुरका प्रतिनिधि बाल कृष्ण बस्नेत ,अटो रिक्सा व्यवसायी संघका केन्द्रीय सदस्य सुधिर थापा, ५ नम्बर वडा सदस्य ज्ञानु थापा,केशव श्रेष्ठ, संचारकर्मीहरु लगायत, टोल विकास समितिका प्रतिनिधि, विद्यार्थी, विभिन्न संघ संस्थाका प्रतिनिधिको सहभागिता रहेको थियो।

हेटौंडा उपमहानगरपालिका नगर स्वास्थ्य समन्वय इकाइका प्रमुख सुपेन्द्र कार्कीले डेङ्गु रोग नियन्त्रण का लागि, उपमहानगरपालिका विभिन्न वडामा संचालन गरिएको खोजि तथा नष्ट अभियान,यसको नियन्त्रणका लागि गर्न सकिने अभ्यासका बारेमा सहजिकरण गरेका थिए। हेटौंडा उपमहानगरपालिका भित्र करिब ९ सय जना डेङ्गु प्रभावित भएको र ङेगु रोगी बड्दै गएकोले सचेतना अभियान अन्तर्गत अन्तरक्रिया कार्यक्रम गरिएको आयोजकले जनाएको छ।