रक्षादेवी टोलको अध्यक्षमा पुनः बानियाँ

२८ भदौ, हेटौँडा । हेटौँडा–६ मा रहेको रक्षादेवी टोल विकास संस्थाको अध्यक्षमा पुनः रमेशकुमार बानियाँ चयन भएका छन् । संस्थाको शनिबार सम्पन्न प्रथम साधारणसभाले बानियाँको नेतृत्वमा ११ सदस्यीय नयाँ कार्यसमिति सर्वसम्मत चयन गरेको हो ।
नयाँ कार्यसमितिको उपाध्यक्षमा हरिप्रसाद पौडेल, सचिवमा राजकुमार फुँयाल, कोषाध्यक्षमा विजयकुमार हुमागाई चयन भएका छन् । त्यसैगरी, सदस्यहरुमा डोरबहादुर अधिकारी, उपेन्द्र थापा मगर, नारायणप्रसाद लामिछाने, डालमाया तिमल्सिना, सरस्वती श्रेष्ठ, कृष्णहरि न्यौपाने र सविना गुरुङ रहेका छन् । साधारणसभामा संस्थाका अध्यक्ष रमेशकुमार बानियाँले संस्थागत प्रतिवेदन, सचिव राजकुमार फुँयालले प्रगति प्रतिवेदन र कोषाध्यक्ष विजयकुमार हुमागाईले आर्थिक प्रतिवेदन प्रस्तुत गरेका थिए ।
हेटौँडा वडा नम्बर ६ का वडा सदस्य राजकुमार बास्तोलाको प्रमुख आतिथ्यता एवं संस्थाका अध्यक्ष बानियाँको अध्यक्षतामा भएको कार्यक्रममा रानी सामुदायिक वनका अध्यक्ष कृष्ण विडारी, टोल विकास संस्था ६ नम्बर वडा समन्वय समितिका अध्यक्ष केशव धिताल, संस्थाका सल्लाहकार रामहरी न्यौपाने, सदस्य उपेन्द्र थापा मगर, संचारकर्मी भीमसेन पौडेल, रुपेश दुलाल लगायतले मन्तव्य व्यक्त गरेका थिए ।