गाँजा खेती नष्ट गर्न एसपी सिंहको टोली पुनःपुग्यो राक्सिराङको विकट गाउँमा (फोटो फिचर सहित)

२९ भदौ, हेटौंडा । मकवानपुर जिल्ला गाँजा र लागु औषधको ट्रान्जिट प्वाइन्ट बन्दै जानु र गाँजा खेतिमा कमी आउन नसक्दा मकवानपुर प्रहरी यति बेला गाँजा नष्ट गर्ने अभियानमा जुटेको छ ।

यसै क्रममा मकवानपुर प्रहरीले जिल्लाको विगट कैलाश र राक्सिराङ गाउँपालिकको विभिन्न वडामा लगाइएको लागुऔषध गाँजा नष्ट गर्ने अभियानमा खटिएको मकवानपुरका प्रहरी उपरीक्षक मुकेश कुमार सिंहको टोलि आईतबार राक्सिराङको विकट गाउँमा पुगेको छ । भदौ १५ गतेबाट २० गते सम्म मकवानपुरप्रहरीले टोलीनै खटाएर राक्सिराङ गाउँपालिकाको बिभिन्न वडामा १ बिघा गाँजा ब्याड तथा ३७ विगाहा गाँजा नष्ट गरेको थियो । यसै क्रममा गाँजा खेती नष्ट गर्ने अभियान अन्तर्गत आइतबार जिल्ला प्रहरी कार्यालय मकवानपुरका प्रहरी उपरीक्षक मुकेश कुमार सिंह र प्रहरी नायब उपरीक्षक यज्ञ प्रसाद भट्टराई सहित इलाका प्रहरी कार्यालय मनहरीका प्रहरी निरीक्षक श्रीशंकर श्रेष्ठको नेतृत्वमा गएको १७ जनाको प्रहरी टोलीले राक्सिराङ गाउँपालिका २ को कालिधाप, चनौटा, निग्रानमा लगाइएको करिब ३ बिगाह, २ कठ्ठा गाँजा फाडेर नष्ट गरेको छ । टोलीले कालिधापमा लगाएको २ कठ्ठा, चनौटामा लगाइएको १ विगाहा र निग्रानमा लगाइएको २ बिगाहा क्षेत्रफलमा लगाइएको गाँजा फाडेर नष्ट गरेको हो । गाँजा फाड्न पुगेको प्रहरी टोली देखेपछि गाँजा गोडमेल गर्दै गरेका केही व्यक्ति भागेका थिए । लागुऔषध गाँजा नष्ट गरेसगै एसपी सिंहले गाँजा खेतिले निम्त्याउने बेफाइदा, गाँजा खेती र कारोबार गर्दा हुने दण्ड सजायका बोरमा सचेतना गराका थिए । प्रहरी प्रमुख प्रहरी उपरीक्षक मुकेश कुमार सिंहले गाँजा दोस्रो अभियान अन्तर्गत ७५ जनाको प्रहरी टोलीले उक्त स्थानमा लगाइएका गाँजा र गाँजाको ब्याड नष्ट गर्ने बताएका छन् । उनले गाँजा खेती नष्ट गर्न कुनै बजेट नभएपनि प्रहरीले आफ्नो अन्तरिक स्रोतबाट लागुऔषध गाँजा फडानी गर्ने गरेको बताए । ’सरकारले यस अभियानका लागि कुनै बजेट छुट्याएको छैन तर पनि मकवानपुर गाँजाको ट्रान्जिट प्वाइन्ट बन्दै गएकोले आन्तरिक स्रोतबाट फडानी गर्न अभिनय चलाएको हो ।’ उपरीक्षक सिंहले भने ।

यसअघि पनि मकवानपुरका प्रहरी उपरीक्षक मुकेशकुमार सिंह र प्रहरी नायव उपरीक्षक यज्ञप्रसाद भट्टराई तथा ईलाका प्रहरी कार्यालय मनहरीका प्रहरी निरीक्षक श्रीशंकर श्रेष्ठको नेतृत्वमा गएको टोलीले गाँजा खेती नष्ट गर्ने अभियान अन्तर्गत पहिलो चरणमा भदौ १५ गते राक्सिराङ र कैलाशको लावती, हाम्दुङ, खोलाङ्दी, कैलाश गाउँपालिकाको गर्खल लगायतका क्षेत्रमा लगाईएको डेढ विगाह गाँजाखेति र १ कठ्ठा गाँजाको व्याड नष्ट गरेको थियो ।