तेस्रो मिस्टर मकवानपुर असोज ९मा, विजेताले मोटरसाइकल पाउने

३० भदौ, हेटौंडा। तेस्रो मिस्टर मकवानपुर  आगामी असोजको पहिलो साता हुने भएको छ।

मकवानपुर बडी विल्डिङ एण्ड फिटनेश एसोशिएशन मकवानपुरले   सोमबार पत्रकार भेटघाटको आयोजना गर्दै प्रतियोगिताको बारेमा जानकारी गराएको हो।भदौ ९ र १० गते गरी २ दिन सम्म चल्ने प्रतियोगितामा विभिन्न तौल समूहमा हुने प्रतिस्पर्धाको विजेताले मोटरसाईकल प्राप्त गर्ने पत्रकार सम्मेलन जनाइएको छ ।

हेटौंडास्थित क्लब हेटौंडा पार्टी प्यालेसमा हुने  प्रतियोगिताको विभिन्न तौल समुहमा पहिलो हुने प्रतियोगिलाई नगद दश हजार र प्रतियोगिताको फस्ट रनरअप र सेकेन्ड रनरअपलाई बिषेश पुरस्कार रहेको पत्रकार भेटघाटमा एसोसिएसनका अध्यक्ष राजेश भेटवालले बताएका छन्। त्यसैगरी प्रतियोगितालाई थप राष्ट्रिय स्थरका कलाकारको प्रस्तुति रहने, प्रतियोगिता मनोरञ्जनत्मक बनाउन पहिलो मिस कलिउडका विजेता, फस्ट रनरअप र सेकेन्ड रनरअपको फेसन शो समेत रहेने भेटवालले बताएका छन्।

हेटौंडा स्कुल अफ म्यानेजमेन्टको मुख्य प्रायोजन रहेने प्रतियोगितामा विजेताले मोटरसाइकल र  आइ एमइ इन्सुरेन्सले प्रतियोगिहरुको ५ लाख बराबरको विमा गरेको र प्रतियोगितामा समावेश हुनाका लागि प्रतियोगिहरुले १ हजार दर्ता शुल्क तिर्न पर्ने पत्रकार भेटघाटमा जनाइएको छ।

आयोजकले कम्तीमा  जिल्लाभरबाट ३० भन्दा बढि वडी विल्डर्स सहभागी हुने अनुमान गरेको छ ‌। त्यसैगरी एसोसिएसनले दसैं, तिहार, छठ पर्वको  अवसरमा शुमकामना आदानप्रदान कार्यक्रम पनि गर्ने एसोसिएसन सचिव सुजन श्रेष्ठले बताएका छन्।प्रतियोगिताका लागि १० लाख खर्च हुने। आयोजकले अनुमान गरेको छ।