जिल्ला लिगः सोमबार तीन खेल सम्पन्न

३१ भदौ, हेटौंडा । हेटौंडामा जारी दानबहादुर श्रेष्ठ स्मृति जिल्ला लिग फुटबल प्रतियोगिताअन्र्तगत सोमबार सम्पन्न तीन खेलमा तीनै खेल बराबरीमा टुंगिएका छन् ।
सोमबारका खेलहरुमा बुद्ध युवा क्लव हात्तिसुँढे र ७ नम्बर फुटबल टिम तथा एफसी मल्टिभिजन र गोर्खा ब्वाइज क्लवले बराबरी खेलेका हुन् । 
सोमबार बिहान भएको पहिलो खेलमा बुद्ध युवा क्लव र ७ नम्बर फुटबल क्लबले १–१ को बराबरी खेले । बुद्धका लागी सुरेश थिङ र ७ नम्बर फुटबल क्लबका लागी सुजन थापाले गोल गरे । सोमबारको बराबरी खेलेसँगै दुबै टिम नकाउट चरणमा प्रवेश गरेका छन् । खेलको म्यान अफ दी म्याच ७ नम्बरका राजकुमार भुजेल घोषित भए ।
यस्तै सोमबर भएको दोश्रो खेलमा मल्टिभिजन र गोर्खा ब्वाइजले ६–६ गोलको बराबरी खेले । मल्टिभिजनका लागी निश्चल दुलाल एक्लैले ह्याट्रीक सहित ५ गोल गरे भने विश्व लामाले एक गोल गरे । यसैगरी गोर्खा ब्वाइजको तर्फबाट सचिन्द्र लामाले दोहोरो ह्याट्रिक पुरा गरे । खेलमा मल्टिभिजनका सुरेश बराल म्यान अफ दी म्याच भए । 
सोमबारको तेश्रो तथा अन्तिम खेलमा सानोपोखरा क्लवलाई १–० गोल अन्तरले हराउँदै प्रतिभा क्लव विजयी भएको छ । प्रतिभाको जितका लागी सानोपोखराको उपहार गोल पर्याप्त बन्यो । सानोपोखराका राकेश वाइबाले आफ्नै पोष्टमा गोल गरेका थिए । खेलमा सानोपखराका राम रुम्बा म्यान अफ दी म्याच घोषित भए । 
असोज ११ गतेसम्म सञ्चालन हुने प्रतियोगिताको विजेताले नगद १ लाख र उपविजेताले ५० हजारसहित ट्रफी र प्रमाणपत्र प्राप्त गर्ने आयोजक जिल्ला फुटबल संघ मकवानपुरले जनाएको छ ।