अफगानिस्तानमा भएको विस्फोटमा ४८ जनाको मृत्यु

१ असोज, हेटौँडा । अफगानिस्तानमा भएको छुट्टाछुट्टै बम विस्फोटमा ४८ जनाको मृत्यु भएको छ । घटनामा दर्जनौं घाइते भएका छन् ।
अन्तराष्ट्रिय सञ्चारमाध्यम अलजजिराका अनुसार एउटा विष्फोट राष्ट्रपति असरफ घानीले सम्बोधन गर्ने भनिएको चुनावी र्याली र राजधानी काबुलमा अर्को विस्फोट भएको थियो । अफगानिस्तानको परवान प्रदेशमा भएको चुनावी र्यालीमा आत्मघाती सवार मोटरसाइकल प्रवेश गरी बिष्फोट भएको थियो । 
उक्त विष्फोटमा २६ जनाको मृत्यु र ४० जना घाइते भएको तालिवानलाई उद्धृत गर्दै अलजजिराले जनाएको छ । अफगानिस्तानका गृहमन्त्रालयका प्रवक्ता नस्रत रहिमीले घटनामा ४ सुरक्षाकर्मीसहित २६ जनाको मृत्यु भएको जनाएका छन् । घटनामा राष्ट्रपति घानी भने सुरक्षित रहेको जनाईएको छ ।
यस्तै, अघिल्लो विष्फोटको केही घण्टापछि काबुलको ग्रिन जोन नजिक जहाँ रक्षा मन्त्रालय, अमेरिकी दुतावास र नेटो मूख्यालय रहेको छ, त्यहाँ समेत विष्फोट भएको छ । गृहमन्त्रालयका प्रवक्ता रहिमीका अनुसार घटनामा २२ जनाको मृत्यु भएको छ भने ३८ जना घाइते भएका छन् । 
दुबै घटनाको जिम्मेवारी तालिवानले लिएको छ । तालिबानले आगामी २८ सेप्टेम्बरमा हुने राष्ट्रपति चुनाव विथोल्ने घोषणा गरेको छ ।