मकवानपुरगढी गाउँपालिकाले गर्यो वार्षिक समीक्षा 

१ असोज, हेटौंडा । मकवानपुरगढी गाउँपालिकाले बुधवार आर्थिक वर्ष ०७५/०७६ मा गरेका कार्यप्रगतिको वार्षिक समीक्षा गरेको छ । 
कार्यक्रममा कृषि शाखा प्रमुख चन्द्रकान्त चौधरीले कृषि शाखाको प्रगति विवरण, उत्तमलाल दासले पशु शाखाको प्रतिवेदन, कौशल्या धमलाले स्वास्थ्य तथा सामाजिक विकाश शाखाको प्रतिवेदन, शिक्षा शाखा प्रमुख रामबहादुर घलानले शिक्षा शाखाको प्रगति प्रतिवेदन प्रस्तुत गरेका थिए ।
गाउँपालिकाका प्रमुख प्रशासकीय अधिकृत भीम परियारले आर्थिक वर्ष ०७५/०७६ मा गाउँपालिकाले ९१.९४ प्रतिशत चालु खर्च र ६५.७७ प्रतिशत पूँजीगत खर्च गरेको जानकारी गराउनु भएको थियो । 
कार्यक्रममा मकवानपुरगढी –१ का वडा अध्यक्ष आईत सि. लो, २ का वडा अध्यक्ष बखान सिं पाख्रिन, ५ का वडा अध्यक्ष टिकाप्रसाद तिमल्सिना र ७ का वडा अध्यक्ष सूर्यबहादुर रुम्बाले मन्तव्य व्यक्त गरेका थिए । 
मकवानपुरगढी गाउँपालिकाका अध्यक्ष विदुर हुमागाईको सभाध्यक्षमा भएको कार्यक्रममा गाउँपालिकाकी उपाध्यक्ष हर्कमाया रुम्बाको विशेष आतिथ्यता रहेको थियो । कार्यक्रममा गाउँपालिकाका अध्यक्ष, कार्यपालिकाका सदस्य, वडा सदस्य, कर्मचारी र संचाकर्मीहरुको सहभागिता रहेको थियो ।