च्याम्पियन्स लिगः युभेन्टस बराबरी रोकियो 

२ असोज, हेटौंडा । सुरुवाती दुई गोलको अग्रता जोगाउन नसक्दा इटालियन च्याम्पियन युभेन्टसले च्याम्पियन्स लिगको पहिलो खेलमा स्पेनको एट्लेटिको म्याड्रिडसँग बराबरी खेल्दै अंक बाँडेको छ ।
युभेन्टस घरेलु टोलीसँग २–२ गोलको बराबरीमा रोकिदै अंक बाड्न बाध्य बनेको हो । प्रतिस्पर्धात्मक पहिलो हाफ गोलरहित बराबरीमा सकिदा दोस्रो हाफमा सबै चार गोल सम्भव भएको थियो ।
वान्डा मेट्रो पोलिटानोमा बुधबार राति भएको खेलमा युभेन्टसले दोस्रो हाफमा शुरुमै जुवान कोर्डाडोको पासमा गोल गर्दै पाहुना टोलीलाई सुरुवाती अग्रता दिलाएका थिए । ४८औं मिनेटमा कोर्डाडोले गोन्जलो हिगुआइनको पासलाई सदुपयोग गरेका थिए ।
६५औं मिनेटमा ब्लेइस म्याथुडीले गोल गर्दै युभेन्टसको अग्रता दोब्बर पारेको थियो । म्याथुडीले एलेक्स सान्द्रोको पासलाई सदुपयोग गरेका थिए । 
७०औं मिनेटमा स्टेफन सेभिकले राहुल जिमिनेजको पासलाई सदुपयोग गर्दै घरेलु टोलीलाई २–१ को अन्तरमा ल्याउदै खेलमा फर्कने संकेत दिएका थिए । 
९०औं मिनेटमा हेक्टर हेरेराले केइरन ट्रिपिएरको पासमा गोल गर्दै खेललाई बराबरीमा ल्याउदै १ युभेन्टसबाट १ अंक खोस्न सफल भए ।
यही समुहको अर्काे खेलमा लोकोमोटिभ मस्कोले बायर लिभरकुसेनमाथि २–१ को जित निकालेको छ । जितसँगै समूह ‘डी’ मा मस्को ३ अंक जोडेर शीर्षस्थानमा रहेको छ ।
एट्लेटिको र युभेन्टस समान १ अंक जोडेर दोस्रो र तेस्रो स्थानमा रहँदा लिभरकुसेन अंकविहीन हुदै पुछारमा छ ।