दोभानचौर महायज्ञमा ३५ लाख ९८ हजार संकलन

३ माघ, हेटौँडा । हेटौँडा–२५ दोभानचौरमा कमला आधारभुत विद्यालयको भौतिक सुधारका लागि आयोजना गरिएको महायज्ञमा ३५ लाख ९८ हजार १ सय २९ रुपैँया संकलन भएको छ ।
सोमबार समापन भएको महायज्ञमा अन्तिम दिन हेटौँडा–२५ का सुन्दर बानियाँले २ लाख ५१ हजार १ सय ५१, सांसद गणेश थापाले १ लाख ५१ हजार १ सय ५१, हेटौँडा–२४ का केशवराज बानियाँले २५ हजार, हेटौँडा–२५ का मोतिलाल स्यांतानले २० हजार र हेटौँडा–२३ का ज्ञानबहादुर गोतामेले १० हजार ५ सय ५५ रुपैँया दान गरेका छन् । 
राप्रपाका केन्द्रिय सदस्य मधु अधिकारीको प्रमुख आतिथ्यता एवं मूल समारोह समितिका संयोजक तोयनाथ तिमल्सिनाको अध्यक्षतामा भएको समापन कार्यक्रममा प्रमुख वाचक युवापण्डित सुर्दशन चालिसे, राप्रपा नगर अध्यक्ष गुरुप्रसाद सापकोटा, नेकपा एमालेका नरहरी महत, नेपाली काँग्रेसका हरेराम बानियाँ, विद्यालयका प्रधानाध्यापक कुमार अधिकारी, महायज्ञका कोषाध्यक्ष केशवप्रसाद तिमल्सिना, संचारकर्मी केदारप्रसाद गौतम, प्रचारप्रसार सदस्य घमराज तिमल्सिना, वडा नागरिक मञ्चकी संयोजक कुलकुमारी प्याकुरेल, शिक्षक रञ्जन कठायत लगायतले मन्तव्य व्यक्त गरेका थिए ।
महायज्ञको अन्तिम दिन १८ जनाको सामुहिक ब्रतबन्ध समेत गरिएको थियो ।