सिआईटिले मनायो ११ औ बार्षिकउत्सव

१५ असोज, हेटौंडा। हेटौंडा ४ स्कुलरोडमा रहेको कम्प्युटर इन्स्टिच्युट 'कलेज अफ इन्फर्मेसन टेक्नोलोजी' (सिआईटि) ले आफ्नो ११औं वार्षिकोत्सव विविध कार्यक्रम गरी मनाएको छ ।

सिआईटिले बुधबार शुभकामना आदानप्रदान सहित ११औ वार्षिकोत्सव मनाएको हो।  नेपाल टेलिकम हेटौंडाका बरिष्ट इन्जिनियर दिलिप कुमार वर्माको प्रमुख आतिथ्यतामा भएको शुभकामना आदानप्रदानकार्यक्रममा बोल्दै कार्यक्रममा प्रमुख अतिथि वर्माले डिजिटल नेपाल बनाउनका लागि सबै लाग्नुपर्ने बताएका छन्।उनले हेटौंडामा पनि आइटी क्षेत्रले निकै फड्को मारेकाले अब झन् यस संग सम्बन्धित जनशक्ति उत्पादनको खाचो रहेको बताए ।त्यसैगरी टेक्नोलोजीका   प्रवन्ध निर्देशक दिनेश रिजालले  कम्प्युटर  र आइटी क्षेत्रमा गरिएको गतिविधि र टेक्नोलोजीको  भावी योजनाका बारेमा जानकारी दिएको थिए।रिजालले पोखरा विश्वविद्यालयबाट मान्यता लिएर प्रदेश ३ को राजधानी हेटौंडामा अव छिट्टै नै आइटी कलेज स्थापना गरिने  बताएका छन् ।  

कार्यक्रममा क्यान महासंघ मकवानपुरका अध्यक्ष पुष्पराज पुडासैनीले मकवानपुर जिल्लालाई आइटी क्षेत्रमा अब्बल बनाउन क्यान हरदम लागिपरिरहने बताए । सिआईटिका अध्यक्ष रमेश रिजालको अध्यक्षतामा भएको कार्यक्रममा नेपाल पत्रकार महासंघ ३ नम्बर प्रदेशका महासचिव कृष्ण सारु मगर, शिक्षाविद देव श्रेष्ठ लगायतको  उपस्थिति रहेको थियो ।

त्यसैगरी सिआईटिले आफ्नो ११औं वार्षिकोत्सवको अवसरमा  मंगलबार हेटौंडा १० राप्तीटथमा रहेको गोरक्षसश्वर धाममा रहेको संस्कृत बिद्यालयलाई शैक्षिक सामाग्री र खाद्यान्न सामाग्री सहयोग गरेको थियो ।