हेटौँडा–६ वडास्तरीय फुटबलको उपाधी राईज हाईलाई

१८ असोज, हेटौँडा । हेटौँडा–६ मा भित्रि फुटबल टिमको आयोजनामा भएको वडास्तरीय फुटबल प्रतियोगिताको उपाधी राईज हाईको कव्जा गरेको छ ।
शनिबार बंशगोपाल माविको खेल मैदानमा भएको फाइदल खेलमा राईज हाईले शान्तिटोल स्पोर्टस क्लवलाई १-० गोल अन्तरले पारजित गर्दै उपाधी कव्जा गरेको हो । 
खेलको अन्तिम समयमा राईज हाईका कृष्ण श्रेष्ठले गरेको गोल नै निर्णायक हुन पुग्यो । प्रतियोगिताको बेष्ट प्लेयर र शनिबारको म्याद अफ दि म्याच हाई राईजका निर्मल राई र हाई स्कोरर खेल अवधीभर ५ गोल गर्ने बंशगोपाल युवा क्लव (सि) का सुशिल तिमल्सिना घोषित भएका उनीहरु दुबैले ट्रफि प्राप्त गरे । 
प्रतियोगिताका विजेता र उपविजेता टोलीलाई ६ नम्बर वडा अध्यक्ष अर्जुनप्रसाद चौलागाई, वडा सदस्य राजकुमार बास्तोला, टोल विकास वडा समन्वय समितिका अध्यक्ष केशव धिताल, चौघडा फुटबल क्लवका विक्रम विष्ट, जनकल्याण बचत तथा ऋण सहकारी संस्थाका कोषाध्यक्ष चेतनाथ खतिवडा, भिएफटीका अध्यक्ष कमल कोइराला लगायतले पुरस्कार वितरण गरेका थियो । 
प्रतियोगितामा प्रथम हुने टिमले ३० किलोको खसी दोश्रो हुने टिमले २५ किलोको खसी, मेडल तथा प्रमाणपत्र प्राप्त गरेका छन् । प्रतियोगितामा वडाका १४ टीमको सहभागिता रहेको थियो ।