पाँच राष्ट्र सम्मिलित टी–२० सिरिजमा नेपालको पहिलो जित

१९ असोज, हेटौंडा । नेपालसहित पाँच राष्ट्र सम्मिलित टी–२० अन्तराष्ट्रिय सिरिजको आफ्नो पहिलो खेलमा नेपालले जित निकालेको छ । 
ओमानमा जारी प्रतियोगितामा आइतबार भएको खेलमा नेपालले हङकङलाई नेपालले ५ विकेटले पराजित गरेको हो । 
हङकङले दिएको १२६ रनको लक्ष्य नेपालले १९ ओभरको समाप्तीमा ६ विकेटको क्षतिमा भेट्टायो । कमजोर सुरुवात गरेको नेपाली इनिङ आरिफ सेख र विनोद भण्डारीले सम्हालेका थिए । आरिफले २४ रन बनाए । नेपालको जितमा करन केसी र विनोद भण्डारीको प्रदर्शन उत्कृष्ट रह्यो । विनोदले ४८ बलमा अविजित ५८ रनको इनिङ खेले । विनोदले चार चौका र तीन छक्का प्रहार गरे । सोमपाल कामीले १३ रन बनाए । 
नेपालका लागि ओपनिङ गर्न आएका कप्तान पारस खड्का पहिलो बलमै आउट भएका थिए ।
टस जितेर नेपालले हङकङलाई पहिले ब्याटिङको निम्तो दिएको थियो । निर्धाति २० ओभरमा हङकङले ६ विकेट गुमाउँदै १२५ रन बनाएको थियो ।
नेपालका लागि करन केसीले उत्कृष्ट बलिङ गरे । उनले हङकङका सुरुवाती तीन विकेट एकै ओभरमा लिएका थिए । करनले ४ ओभर बलिङ गर्दै ३६ रन खर्चिएर ४ विकेट हात पारे ।
ओमानले आयोजना गरेको सिरिजमा नेपाल, ओमान, हङकङ, नेदरल्याण्ड र टेष्ट राष्ट्र आयरल्याण्ड रहेका छन् । सुरुवाती दुई खेलमा दुवैमा जित निकाल्दै ओमान अंक तालिकाको शीर्ष स्थानमा छ । नेपालले अर्को खेल सोमबार नेदरल्याण्डसँग खेल्नेछ ।