सावधान ! अब राप्तीपुलदेखि बाघथली सम्मको राजमार्ग छेउमा गाडी रोक्न नपाइने

 सुनिल शिवाकोटी 

२० असोज, हेटौंडा । अब पुर्व पश्चिम राजमार्ग अन्तर्गत हेटौंडा ११ राप्ती पुल देखि हेटौंडा ११ बाघथली सम्मको सडकको दायाँ बायाँ मालवाहक सवारी रोक्न नपाइने भएको छ।

जिल्ला ट्राफिक प्रहरी कार्यालय मकवानपुर र सामुदायिक प्रहरी सेवा केन्द्र हेटौंडा ११ को सहकार्यमा राप्तीपुल देखि बाघथली सम्मको करिब १.५ किलोमिटर अन्तर्गत सडकको दायाँ बायाँ ४/४ मिटरको दुरीमा ड्रम राखिएसंगै अब उक्त स्थानमा मालवाहक सवारी रोक्न नपाइने भएको हो।

जिल्ला ट्राफिक प्रहरी कार्यालय,  तौल पुल र ३ नम्बर प्रदेश प्रहरी कार्यालयका साथै चुरेहिल अस्पताल आसपासको क्षेत्रमा बढी ग्यारेज भएकोले सडक छेउमा सवारी रोकिनाले सडकमा आवतजावत गर्न कठिनाइ भएपछि  ड्रमले डिभाइड गरी सवारी रोक्न प्रतिबन्ध लगाइएको जिल्ला ट्राफिक प्रहरी कार्यालय मकवानपुरका प्रहरी निरीक्षक हरि बिष्णु ढकालले बताएका छन्।

यता सामुदायिक प्रहरी सेवा केन्द्र हेटौंडा ११ का अध्यक्ष सालिकराम पुडासैनीले संभावित दुर्घटनालाइ रोक्नका लागि यसो गरिएको बताए। उनले कुनै मालवाहक सवारी प्रतिवन्धित क्षेत्रमा रोकेमा जरिवाना गरिने बताए। केही दिन अघि हेटौंडा उपमहानगरपालिका नगर प्रमुख हरि बहादुर महत र ३ नम्बर प्रदेश प्रहरी कार्यालय हेटौडाका प्रहरी प्रमुख प्रहरी नायब महानिरीक्षक शेरबहादुर बस्नेतले उक्त सडक डिभाइडरका लागि प्रयोग गरिएको ड्रममा फुलको विरुवा रोपेका थिए। 

पक्कै ट्राफिक प्रहरी र सामुदायिक प्रहरी सेवा केन्द्रको यस कार्यले उक्त स्थानमा हुन सवारी चाप र दुर्घटनालाई न्यूनिकरण गर्न सहयोग पुग्नेछ।