नेदरल्यान्ड्समाथि नेपालको रोमाञ्चक जित 

२० असोज, हेटौंडा । ओमानमा जारी पाँच राष्ट्र सम्मिलित टि–२० क्रिकेट शृंखला अन्तर्गतको दोस्रो खेलमा नेपालले नेदरल्यान्डस माथि सनसनिपूर्ण जित निकालेको छ  । सोमबारको खेलमा नेपालले नेदरल्याण्डसलाई ४ विकेटले हराएको छ । 
नेपालको लागी करन केसीले अलराउन्ड प्रदर्शन गरे । अन्तिम ओभरमा १७ रन आवस्यक हुँदा करण केसीले नेपाललाई जित दिलाएका हुन् ।
नेदरल्यान्ड्सले दिएको १३४ रनको लक्ष्य पछ्याउने क्रममा नेपालले एक बल बाँकी छँदै लक्ष्य भेट्टाएको हो । 
नेपालको जितका लागीा लागि कप्तान पारस खड्काले सर्वाधिक ३३ रनको योगदान दिए भने विनोद भण्डारीले २६ र करन केसीले ३१ रन बनाए । नेदरल्यान्ड्सका लागि रोयलफ मेर्वेले २ विकेट लिए ।
यसअघि पहिले ब्याटिङ्ग गरेको नेदरल्यान्ड्सका लागि म्याक्स ओडोडले ४३, कोलिन अककेरिमनले २९, एन्टोनियस स्टालले २१ रन र स्टक इडवार्डले १६ रन बनाएका थिए ।
नेपालका लागि करन केसी र सन्दीप लामिछानेले समान ४–४ विकेट लिए भने ललित नारायण राजवंशीले १ विकेट लिए । 
यसअघि आइतबार भएको पहिलो खेलमा हङकङलाई पराजित गरेको नेपालले नेदरल्याण्ड्सविरुद्ध दोस्रो जित निकालेको हो । जितसँगै नेपाल अंक तालिकाको दोस्रो स्थानमा छ । रनरेटका आधारमा समान जित निकालेको ओमान पहिलो स्थानमा छ ।
ओमान क्रिकेटले आयोजना गरेको शृंखलामा नेपाल, आयोजक ओमान, हङकङ, नेदरल्याण्ड र टेष्ट राष्ट्र आयरल्याण्ड रहेका छन् ।