नवलपरासी प्रहरीको अर्को सफलता कुकुरको साहयताले हत्या गरी फरार रहेका डोम पक्राउ

३०असोज, नवलपरासी। हेलमेटले हानि विभत्स तरिकाले हत्या गरी फरार रहेका एक जनालाई नवलपरासी प्रहरीले पक्राउ गरेको छ।

असोज २७ गते जिल्लाको प्रतापपुर गाउँपालिका ६ गुठि पसैनी स्थित नेपाली नहरमा अन्दाजी ३५ बर्षीय राजकुमार बासफोरको शव हत्या गरिएको अवस्थामा फेला पारेको थियो।

हत्या गरिएको अवस्थामा शव फेला पारेपछि नवलपरासी प्रहरी प्रमुख प्रहरी उपरीक्षक लालमणि आचार्य र  इलाका प्रहरी कार्यालय वेलाटारीबाट गएको प्रहरी टोलीले घटनास्थलबाट प्रहरीले यु पि -५७ जेट ६१५२ नम्बरको भारतीय मोटरसाइकल लडेको र रगत लागेको अवस्थामा मोवाइल,घडि हेल्मेट फेलापछि ,प्रहरीले हत्या हुनसक्ने आशंका शुष्म अनुसन्धान थालेको थियो। अनुसन्धानका क्रममा बिहिबार नवलपरासी प्रहरी प्रमुख प्रहरी उपरीक्षक लालमणि आचार्यको नेतृत्वमा इलाका प्रहरी कार्यालय वेलाटारीबाट प्रहरी निरीक्षक प्रकाश श्रीमल सहित  प्रदेश ३ हेटौंडाबाट गएको कुकुरको सहयोगमा हत्या गरि फरार रहेका प्रतापपुर ६ गुठि पसैनी बस्ने२१ बर्षीय सन्जय डोमलाई  झोलुङ पुल नजिकबाट पक्राउ गरिएको जिल्ला प्रहरी कार्यालय नवलपरासीले जनाएको छ।

उनलाई थप अनुसन्धान लागि जिल्ला प्रहरी कार्यालय नवलपरासीको हिरासतमा राखिएको र जिल्ला अदालत नवलपरासीबाट ५ दिनको म्याद थप गरी अनुसन्धान अघि बढाइएको प्रहरीले जनाएको छ।