लाइसेन्स नभएका १० वटा अटो चालकलाई मकवानपुर ट्राफिकको कारबाही

३ कार्तिक, हेटौंडा।   जिल्ला ट्राफिक प्रहरी कार्यालय मकवानपुरले  सवारी चालक अनुमति पत्र नभइ अटो चलाएको भन्दै १० वटा अटो तथा चालकलाई कारबाही गरेको छ।

ट्राफिक प्रहरीले विना लाइसेन्स अटो चलाएको भन्दै ना १ ह ६२३२,ना २ ह २१९३,ना२ह ५८७५,ना२ह ४०१२, प्रदेश ३-००३-००१ह ००४९,ना १ ह ५०९९,ना१ह ५१२३,ना२ह,४२३५,ना१ह४२३५ र ना२ह ३०८८ नम्बरको अटो तथा चालकलाई जरिवानागरी कारवाही गर्नुका साथै ट्राफिक सचेतनाको बारेमा जानकारी गराइएको जिल्ला ट्राफिकप्रहरी कार्यालय मकवानपुरका प्रहरी निरीक्षक हरि बिष्णु ढकालले बताएका छन्।

 हेटौंडा बजारमा अटोले ट्राफिक व्यवस्थापनमा चुनौती थपिएको र चालक अनुमतिपत्र नभएकाले अटो चलाउने गरेको भन्दै यसलाई कडाई गर्न कारवाही सुरु गरिएको जिल्ला  मकवानपुर ट्राफिक प्रमुख  प्रहरी निरीक्षक ढकालले बताए। 

उनले यसलाई व्यवस्थित गर्न नसकिने हो भने हेटौंडा बजारको ट्राफिक व्यवस्थापनमा चुनौती अाइरहेने बताए। हामीले ट्राफिक जरिवाना मात्र काट्ने हो,यसको अनुमाति  र  चालक अनुमतिपत्र यातायात व्यवस्था विभागले जारी गर्ने हुदा अटोको अनुमति म कडाई गरिनु पर्ने  र लाइसेन्स लिने व्यवस्था सहज गरिनु पर्ने प्रहरी निरीक्षक ढकालले बताएका छन्। 

हाल मकवानपुरका साथै हेटौंडा नगरमा करिब २ हजार देखि २हजार पाचसयको हाराहारीमा आटो संचालनमा रहेको र अधिकांश अटो चालकको चालकअनुमतिपत्र भने रहेको देखिदैन। जसले गर्दा हेटौडा बजारमा ट्राफिक समस्या निम्त्याएको   छ।