हेटौंडा बजारको अनुगमन: कोल्ड ड्रिंक्स बेच्न अनुमति लिएको पसलमा म्याद सकिएको चाउचाउ, बिस्कुट पाइयो

सुनिल शिवाकोटी

४ कात्तिक, हेटौंडा। तिहार नजिकिएसँगै चाडवाडमा उपभोग्य वस्तु मिसावस, लेवल नभएका सामनको बिक्री वितरण हुन सक्ने भन्दै हेटौंडा बजारको उनुगमनमा तिब्रता दिइएको छ। 

यसै क्रममा अनुगमन टोलीले  कोल्ड ड्रिंक्स बेच्न अनुमति लिएर तरकारी र किराना साम्रगी बेचेको भन्दै हेटौडा ५ मा रहेको शिशिर किराना एण्ड कोल्ड स्टोर्सलाई तीन दिन भित्र खाद्य तथा गुण नियन्त्रण कार्यालय हेटौंडामा सम्पर्क गर्न निर्देशन दिईएको छ । 

खाध तथा गुण नियन्त्रण कार्यालयको  तथा जिल्ला प्रशासन कार्यालयको नेतृत्वमा गएको अनुगमन य उक्त पसलमा अधिकांश सामान म्याद सकिएका, पसलमा राखिएको तरकारि तथा फलफुल सडेगलेको र फोहोर पाएपछि तीन दिन भित्र कमजोरि सच्याएर खाद्य तथा गुण नियन्त्रण कार्यालयमा हाजिर हुन निर्देशन दिईएको हो ।अनुगमन टोलीले उक्त पसलबाट म्याद गुज्रियका कुरकुरे, डिउ, पेप्सी, बिस्कुट, ग्लुकोज, स्प्राईट, बेसन लगाएतका सामाग्री जफत गरेको छ ।

यस्तै घरेलु तथा साना उद्योगमा किराना तथा कोल्ड ड्रिङ्क्सका नाममा दर्ता भएपनि पसलबाट तरकारी, फलफुल, किराना तथा खाधान्न सामानको समेत विक्रि वितरण गरेको पाइएको छ ।तोकिएको मितिभित्र मापदण्ड पुरागरी पसल संचालनमा ल्याउँन एक पटकका लागी मौका दिइएको बताउँदै अनुगमन टोलिमा रहेक  खाद्य निरिक्षक खगेन्द्रप्रसाद खतिवडाले नसच्चिए प्रचलित कानुनबमोजिम कारबाही गरिने बताए । 

सोमबार हेटौंडाका १३ वटा किराना पसलहरूमा गरिएको अनुगमनबाट अधिकांश पसलहरूमा म्याद समाप्त भएका सामानहरू जफत गरिएको छ । 

खाध तथा गुण नियन्त्रण कार्यालयको नेतृत्वमा भएको अनुगमनमा हेटौंडा उपमहानगरपालिकाका वडा नम्बर २, ४ र ५ मा संचालित किराना पसलहरुमा अनुगमन गरिएको हो ।अनुगमन टोलीमा जिल्ला प्रशासन कार्यालयका नायव सुब्वा सहदेव आचार्य, उपभोक्ता हित संरक्षण मञ्चका जिल्ला अध्यक्ष बासु खतिवडा, उपभोक्ता मन्च नेपाल मकवानपुरका सचिव नवराज कोइराला,खाध तथा गुण नियन्त्रण कार्यालयका खाद्य निरिक्षक खगेन्द्र खतिवडा, खाद्य प्राविधिक सरोज पौडेल, घरेलु कार्यालयका पत्रकारहरू लगायतकको सहभागिता रहेको थियो ।