मकवानपुर ट्राफिकको चेकजाँचमा कडाई, सोमबार २४ सुमो र १६ अटोलाई कारवाही

४ कात्तिक, हेटौंडा। मकवानपुर ट्राफिक प्रहरीले सवारी चालक अनुमतिपत्र बिना अटो चलाउने र मुख्य बजार चोकबाट ट्राफिक व्यवस्थापनलाई चुनौती दिदै यात्रु चढाउने सुमोहरूलाई कारवाही गरेको छ। 

आइतबार जस्तै सोमबार पनि  चालक अनुमतिपत्र बिना हेटौंडामा अटो चलाउने १६ वटा अटो र चौकिटोल स्थित सुमो काउन्टरबाट यात्रु नचढाइ  हेटौंडा बाजरको मुख्य चोकबाट यात्रु चढाउने २४ वटा सुमोलाई मकवानपुर ट्राफिकलर कारवाही गरेको हो। 

जसमा हेटौंडा बजारको मुख्य चोकमा रोकी यात्रु चढाउने वेलकम सुमो प्रालि, अोम शान्ति सुमो प्रालि, पदमपोखरी सुमो, मध्यमाञ्चल सुमो,हरेराम हरेकृष्ण प्रालि सहित अन्य कम्पनीको २४ सुमोलाई कारवाही गरेको जिल्ला ट्राफिक प्रहरी कार्यालय मकवानपुरका प्रहरी निरीक्षक हरि बिष्णु ढकालले बताएका छन्।

त्यसैगरी सिट क्षमता भन्दा बढी यात्रु बोक्ने एक अटो र म्याजिक पनि कारवाहीमा परेका छन्। जस्मा  ना२ह ५४०८ नम्बरको अटो र मुडा राखि सिट क्षमता भन्दा बढी यात्रु बोक्ने ना१ ज २९९८ नम्बरको म्याजिकलाई कारवाही गरिएको निरीक्षक ढकालले बताए।

हामीले कारवाही मात्र नगरेर चालकलाई चालक अनुमतिपत्र बिना सवारी चलाउदा के क कस्तो सजाय पाउछन भन्ने कुराको बारेमा समेत जानकारी गराएको  र चेकजाँचले प्रत्येक दिन निरन्तर पाउने प्रहरी निरीक्षक ढकालले बताएका छन्। 

जिल्ला प्रहरी कार्यालय र ट्राफिक प्रहरीको सवन्मयमाआइतबार पनि सवारी चालक अनुमतिपत्र नभएका १० अटो चालकलाई कारबाही गरिएको थियो।