जनहित सामुदायिक वनको भेला सम्पन्न

८ कार्तिक, हेटौंडा । हेटौडा–१९ बस्तीपुरमा रहेको जनहित सामुदायिक वन उपभोक्ता समूहको २४ औं वार्षिक साधारणसभा शुक्रवार सम्पन्न भएको छ । साधारणसभामा समूहका अध्यक्ष विक्रम बहादुर पण्डितले प्रगति प्रतिवेदन र कोषाध्यक्ष अमृत पाठकले आव ०७५÷०७६ को लेखापरीक्षण प्रतिवेदन र चालु आव ०७६÷०७७ को लागि ७९ लाख १७ हजारको अनुमानित आय व्यय विवरण प्रस्तुत गरेका थिए ।
साधारणसभामा समूहको वन संरक्षणमा महत्वपूर्ण योगदान गर्ने हर्क बहादुर थिङ र राजकुमार भेटवाललाई सम्मान गर्नुको साथै निर्मल मावि र जापानी मैत्री प्राविलाई स्टेशनरी वितरण गरिएको थियो । डिभिजन वन कार्यालय, राप्तीका निमित्त कार्यालय प्रमुख सुरेश प्रसाद गुप्ताको प्रमुख आतिथ्यता एवम समुहका अध्यक्ष विक्रम बहादुर पण्डितको अध्यक्षतामा साधारणसभा सम्पन्न भएको थियो । 
 भेलामा सव डिभिजन वन कार्यालय, बसामाडीका प्रमुख चेतनाथ कडेल, सामुदायिक वन उपभोक्ता महासंघ, हेटौडाका अध्यक्ष शम्भुप्रसाद न्यौपाने, समूहका संरक्षक सल्लाहकार हरिबंश भेटवाल, सल्लाहकार हरिबहादुर पण्डित, मनहरी वर्तौला, रामचन्द्र बत्र्तौला, चनौटा सामुदायिक वनका अध्यक्ष रामप्रसाद पौडल, संचारकर्मी भीमसेन पौडेल, निर्मल बहुमुखी क्याम्पसका प्राचार्य सुवासचन्द्र कँडेल, जागरण टोल विकास संस्थाका अध्यक्ष ओमनाथ पुडासैनी, समूहका उपाध्यक्ष सन्तोष उप्रेती, सचिव ओममाया बत्र्तौला लगायतकाले मन्तव्य व्यक्त गरेका थिए ।