तीन दिवसिय क्रिकेटः नेपाल १ सय ५३ रनमा समेटियो

२२ कार्तिक, हेटौंडा । एमसीसी विरुद्धको तीन दिवसिय खेलको पहिलो इनिङ्समा नेपाल बिहिबारको खेलमा १ सय ५३ रनमा समेटिएको छ । 
कीर्तिपुर स्थित त्रिभुवन विश्व विद्यालयको मैदानमा बिहीबार भएको दोस्रो दिनको खेलमा नेपालले ४५ ओभरमा सबै विकेट गुमाउँदा एमसीसीले पहिलो इनिङमा १ सय ११ रनको अग्रता बनायो । 
लामो समयपछि तीन दिवसिय खेल खेलेको नेपालले फलोअनबाट बच्न चाहिने १ सय ७३ रन पनि बनाउन सकेन । पछिल्लो समय एक दिवसीय र ट्वान्टी–२० खेलमा अभ्यस्त नेपाली टोलीले तीन दिवसीयमा भने राम्रो प्रदर्शन सकेन । 
३ सय ६४ रन पक्ष्याएको नेपालले सुरुआतमा नै विकेट गुमाउन पुगेको थियो । कप्तान ज्ञानेन्द्र मल्ल डकआउट हुँदै पवेलियन फर्किदा नेपालको इनिङ संकटमा परेको थियो । यस्तै शरद भेषवाकर पनि चार रनमा पेभेलियन फर्किए । 
नेपालका लागी सन्दिप लामिछानेले सर्वाधिक ३९ रन बनाउँदा सोमपाल कामी २६ रन बनाए । नेपालका लागी अन्य कुनैपनि ब्याट्सम्यानले राम्रो पदर्शन गर्न सकेनन । यो सँगै नेपाल एमसीसीसँग पहिलो इनिङ्समा २ सय ११ रनले पछि परेको छ । 
दोस्रो दिनको खेलमा नेपाल अल आउट भएपछि एमसीसीले दोस्रो इनिङ सुरु गरेको छ । दोस्रो दिनको दोस्रो इनिङ्समा एमसीसीले २ विकेटको क्षतिमा ९१ रन जोड्दा ३ सय २ रनले अगाडि छ ।
एमसीसीले तेस्रो दिन आज शुक्रबार पुनः ब्याटिङ गर्नेछ ।