'२ महिनाका लागि अौषधी मौज्दात'

२१ माघ, हेटौंडा । जिल्ला स्वास्थ्य कार्यालय मकवानपुरले जिल्लाका स्वास्थ्य संस्थाहरूमा २ महिनाका लागि अौषधी मौज्दात रहेको जनाएको छ । कार्यालयमा शुक्रबार भएको पत्रकार भेटधाटमा  कार्यालय प्रमुख रामचन्द्र पाठकले यस्तो जानकारी दिएका हुन् ।

उनले देशभरका सरकारी स्वास्थ्य संस्थामा देखा परेको औषधी अभाब लगायत समस्या र जिल्लाको प्रगतिको बारेमा जानकारी दिए ।

मकवानपुरका ४ प्राथमिक स्वास्थ्य केन्द्र, ४० स्वास्थ्य चौकी, ५ शहरी स्वास्थ्य केन्द्र, १ सामुदायिक स्वास्थ्य ईकाईमा कम्तिमा हाललाई २ महिनाको बिगतको खर्च बराबरको औषधी आपुर्ति गरिएको कार्यक्रममा जानकारी दिईएको छ । 

३५ थरीका औषधी उपलब्ध हुने व्यबस्था भएको स्वास्थ्य चौकी स्तरका सामुदायिक स्वास्थ्य ईकाई, शहरी स्वास्थ्य केन्द्र सम्मका हाल जिल्ला जनस्वास्थ्य कार्यालयले कम्तिका सर्जिकल औजार सहित ५३ थरीका र ५८ प्रकारका औषधी उपलब्ध हुने व्यबस्था रहेको प्राथमिक स्वास्थ्य केन्द्रका लागी ७० भन्दा बढी प्रकारका औषधी उपलब्ध गराईएको कार्यालयको दाबी छ ।

कार्यक्रममा स्वास्थ्य कार्यालयले औषधी प्राप्त गर्नुलाई मात्र मुख्य स्वास्थ्य उपलब्धीका रुपमा स्विकारे पनि असुरक्षित खानपान, रहनसहन लागयतमा सुधार नगरेमा समस्या उत्पन्न हुनेतर्फ सबैलाई सचेत गराएको छ ।

कार्यक्रममा संचारकर्मी प्रताप बिष्ट, पत्रकार महासंधका पुर्व अध्यक्ष भानुभक्त आर्चाय, जिल्ला जनस्वास्थ्य कार्यालयका कार्यालय प्रमुख पाठक, जिल्ला जनस्वास्थ्य कार्यालयका प्रबक्ता भोला चौलागाई, शाखा अधिकृत चिरिन्जीबी पौडेल, जनस्वास्थ्य निरिक्षक भीमसागर गुरागाई र जीबनकुमार श्रेष्ठ, स्टोरकिपर संझाना राना लगायतको उपस्थिति रहेका थिए ।