आजबाट बीपि कप, विजेताले ५० हजार पाउने(खेल तालिका सहित)

१०पुस,हेटौंडा।नेपाल लोकतान्त्रिक खेलकुद संघको आयोजनामा हुन गइरहेको बीपी कप जिल्ला स्तरीय ९ ए साइड रनिङ शिल्ड फुटबल प्रतियोगिता आजबाट सुरु हुदै छ ।

हेटौंडा ४ लोकतान्त्रिक चौर हुप्राचौरमा बिहिबार बिहान ११:३० बजे उक्त प्रतियोगिताको उद्घाटन हुने आयोजकले जनाएको छ।आज हुने उदघाटन खेलमा साविक विजेता बकैया गाउँपालिका र हेटौंडा वडा नम्बर १बीच प्रतिपष्र्धा हुने जनाइएको छ। 

आयोजकलले बुधबारनै  प्रतियोगिताको खेल तालिका सार्वजनिक गरेको छ। प्रतियोगिताको दोस्रो संस्करणको तयारी पूरा भएको आयोजक नेपाल लोकतान्त्रिक खेलकुद संघका अध्यक्ष सविन भट्टाचार्यले जानकारी दिएका छन् ।  पुष १६ गतेसम्म सञ्चालन हुने प्रतियोगितामा २२ टोलीको सहभागिता रहने जनाइएको छ। प्रतियोगितामा हेटौंडा उपमहानगरपालिकाको १५ वटा टोली र सातवटा गाउपालिकाको सहभागिता रहेको छ। प्रतियोगिताको विजेताले रनिङ शिल्ड सहित नगद ५० हजार रुपैयाँ, दोस्रो हुनेले २५ हजार रुपैयाँ पुरस्कार पाउने प्रतियोगिता संयोजक प्रदीप कंडेलले जानकारी दिए । यस्तै विधागत उत्कृष्ट हुनेले नगद २ हजार ५ सय रुपैयाँ र प्रत्येक खेलको म्यान अफ द म्याचले नगद १ हजार रुपैयाँ पुरस्कार पाउने  आयोजकले जनाएको छ।