हेटौँडामा आज साईक्लिङ अफरोड च्याम्पियनसिप

Google Photo

१२ पुस, हेटौँडा । हेटौंडामा पहिलो पटक शनिबार साईक्लिङ अफरोड च्याम्पियनसिप हुँदैछ । हेटौंडा राइर्डस क्लबको आयोजनामा च्याम्पियनसिप हुन लागेको क्लबका अध्यक्ष विकास ताम्राकारले बताए । 
भ्रमण वर्ष २०२० को अवसरमा मकवानपुरगढी गाउँपालिकाको कार्यालय, लक्ष्मण साइकल स्टोर्स र न्यू आर्यतारा ज्वेर्लस हुप्रचौर लगायत विभिन्न संघ संस्थाको सहयोगमा च्याम्पियनसिप हुन लागेको हो । च्याम्पियनसिपमा हेटौंडा, काठमाडौं दाङ, धरान, निजगढ, सिमरा चितवनका गरि राष्ट्रिय स्तरका ४० जना भन्दा बढी साइक्लिष्टले आफ्नो नाम दर्ता गराएका क्लबका सचिव सुरेन्द्र अर्यालले बताए ।  
शनिबार विहान ८ बजेबाट सामरीपुलबाट भएको च्याम्पियनसिपमा सहभागिहरु मकवानपुरगढीको वडा ५ र ६ साविक आमभञ्ज्याङको डुम्रेकुनाबाट वडा २ बाँसपानी हुदैं शिकरकटेरी वडा ३ को मक्रान्चुली पुगिने रुट रहेको अध्यक्ष ताम्राकारले बताए ।  मक्रान्चुलीबाट हेटौंडा ५ पिप्ले निस्केर सानोपोखरा हुदैं हुप्रचौरमा सञ्चालन हुने सडक खाना महोत्सवमा पुगी समापन हुने अध्यक्ष ताम्राकारले बताए ।
प्रतियोगितामा प्रथमलाई ५० हजार नगद सहित ट्रफी, मेडल र प्रमाणपत्र, दोस्रो हुनेलाई ३० हजार र तेस्रो हुनेलाई २० हजार नगदर सहित  प्रदान गरिने अध्यक्ष ताम्राकारले बताए । च्याम्पियनसिपमा सहभागिता मध्ये ४० वर्ष माथीका एक जना साइक्लिस्टलाई उत्कृष्ट घोषित गरि २० हजार बराबरको साईकल पुरस्कार समेत प्रदान गरिने आयोजकले जनाएको छ । प्रतियोगिताभर सानिमा लाईफ इन्सोरेन्सको २ लाख ५० हजार बराबरको विमा सुविधा पनि रहेको आयोजकले जनाएको छ ।