धोनी ‘बीसीसीआई’को ‘कन्ट्रयाक्ट लिस्ट’बाट बहिरिए

२ माघ, हेटौंडा । भारतीय पूर्वक्रिकेट कप्तान महेन्द्रसिंह धोनीलाई भारतीय क्रिकेट बोर्ड (बीसीसीआई)ले ‘कन्ट्रयाक्ट लिस्ट’बाट बाहिर राखेको छ ।
विश्वकप क्रिकेटमा सहभागी भएपछि गएको ६ महिनादेखि मैदानबाट टाढिएका धोनीलाई बीसीसीआईले कन्ट्रयाक्ट लिस्टबाट हटाएको हो । उनी पछिल्लो समय ‘ए ग्रेड’मा सामेल थिए । 
बीसीसीआईले बिहीबार २७ खेलाडीको करार गर्दा कप्तान विराट कोहली, रोहित शर्मा र जसप्रित बुमराह गरी तीन खेलाडीलाई ‘ए प्लस’ ग्रेडमा समेटिएको छ । 
यस्तै ग्रेड ‘ए’मा रहेका ११ खेलाडीमा रविन्द्र जडेजा, भुवनेश्वर कुमार, चेतेश्वर पुजारा, अजिन्क्या रहाने, लोकेश लाहुल, शिखर धवन, मोहम्मद शमी, इशान्त शर्मा, कुलदीप यादव र ऋषभ पन्त रहेका छन् । 
यसैगरी ‘बी’ ग्रेडमा रहेका पाँच खेलाडीमा ऋद्धिमान साहा, उमेश यादव, युजभेन्द्र चाहल, हार्दिक पाण्डेया र मयंक अग्रवाल भने ‘सी’ ग्रेडमा ८ खेलाडी रहेकामा पाँच खेलाडी नयाँ अनुहारका रहेका छन् । 
बीसीसीआईले वार्षिक ‘ए प्लस’लाई सात करोड, ‘ए’लाई पाँच करोड, ‘बी’लाई तीन करोड र ‘सी’लाई एक करोड भारतीय रुपैयाँ दिँदै आएको छ । 
धोनीसँगै दिनेश कार्तिक, अम्बाटी रायुडू र खलील अहमदलाई कन्ट्रयाक्ट लिस्टबाट हटाइएको छ ।