शेर्पालाई हराउँदै थ्रीस्टार तेस्रो स्थानमा उक्लियो

१० माघ, हेटौंडा । काठमाडौंमा जारी शहिद स्मारक ए डिभिजन फुटबल प्रतियोगिता अन्तर्गत विहिबारको खेलमा थ्रीस्टार क्लब र जावलाखेल विजयी भएका छन् ।
विहिबारको खेलमा हिमालयन शेर्पा क्लबलाई हराउँदै त्रिभुवन क्लब लिगको तेस्रो स्थानमा उक्लिएको छ । बिहीबार दशरथ रंगशालामा भएको खेलमा थ्रीस्टारले शेर्पालाई ३–१ ले पराजित गरेको हो ।
थ्रीस्टारको जितका लागि सुशील राई, सन्जोग राई र वासु ओलान्दीरान हज्मतले एक÷एक गोल गरेका हुन् । पराजित टोली हिमालयन शेर्पाका तर्फबाट एक मात्र गोल सटेफेन समिरले गरे ।
जितपछि थ्रीस्टार क्लब ८ खेलबाट १४ अंक जोड्दै लिग तालिकाको तेस्रो स्थानमा उक्लिएको हो । एक खेल कम खेलेको मनाङ–मर्स्याङ्दी क्लब चौथो स्थानमा झरेको छ ।
 तालिकामा १६÷१६ अंक जोडेका त्रिभुवन आर्मी क्लब र मच्छिन्द्र क्लब क्रमशः पहिलो र दोस्रो स्थानमा रहेका छन् । 
‘ए’ डिभिजन लिगअन्तर्गत् बिहीबार भएको दोस्रो खेलमा जावलाखेल युथ क्लब विजयी भएको छ । जावलाखेलले एपिएफलाई १–० गोल अन्तरले पराजित गरेको हो । 
त्रिपुरेश्वरस्थित दशरथ रंगशालामा भएको खेलमा जावलाखेललाई जित दिलाउन विदेशी खेलाडी फोडे फोफानाले निर्णायक गोल गरे । उनले खेलको ७१ औँ मिनेटमा गोल गर्दै टिमलाई जित दिलाएका हुन् । 
त्यसअघि खेलको ५७ औँ मिनेटमा टेकेन्द्र थापाले रातो कार्ड खाँदा जावलाखेल १० खेलाडीमा सिमित भएको थियो । जितसँगै जावलाखेल ८ खेलबाट १२ अंकसहित लिगको पाँचौं स्थानमा उक्लिएको छ ।
पराजित एपीएफ ८ खेलमा ५ अंक जोडेर पुछारबाट दोस्रो स्थानमा रहेको छ ।