विश्वकप लिग-२ मा नेपाल ओमानसंग दोस्रो पटक पराजित

२६ माघ, काठमाडौं । नेपालले ओमानसँग आईसीसी विश्वकप क्रिकेट लिग २ अन्तरगत त्रिकोणात्मक शृङ्खलामा आइतबार दोस्रो हार ब्यहोरेको छ । किर्तिपुरस्थित त्रिवि क्रिकेट मैदानमा भएको खेलमा नेपालले दिएको २ सय ५० रनको लक्ष्य पछ्याएको ओमानले ४७.२ ओभरमा २ विकेट गुमाएर लक्ष्य पूरा गरेको हो ।
ओमानका लागि कप्तान जिसन मक्सुद र अक्विब इल्यासीले शतकिय साझेदारी इनिङ्स खेलेका थिए । ओमका लागि १६६ रनको साझेदारी खेल्दा इल्यासीले १०६ बलमा १ सय ८ रन बनाएका थिए भने जिसन मक्सुदले ७८ बलमा ८ चौकाको मद्दतमा ६८ रन, खबा अलिले ४१ रन र जतिन्द्र सिंहले २३ रन बनाएका थिए । ओमानविरुद्ध नेपालका कुशल मल्ल र सुशन भारीले समान एक–एक विकेट लिए । 
यसअघि टस हारेर पहिलो ब्याटिङ गरेको नेपालले ५० ओभर पूरा खेल्दै ८ विकेट गुमाएर २ सय ४९ रन बनाएको थियो । ओपनर सुवास खकुररेल र कप्तान ज्ञानेन्द्र मल्लले १४।१ ओभरसम्म साझेदारी पारी खेल्दै ४८ रन बनाएको थियो । नेपालका लागि पारस खड्काले ३८ रन, ज्ञानेन्द्र मल्लले ५६ रन, उपकप्तान दीपेन्द्रसिंह ऐरी शून्य, कुशल मल्लले २८ रन, विनोद भण्डारीले ३५ रन बनाएका थिए । खेलमा करण केसीले १० रन, सन्दीप लामिछानेले १० रन र कमल सिंह ऐरीले ९ रन बनाए । नेपालव्रिद्ध ओमानका अक्विब इल्यासिले ४ विकेट र  मोहम्मद नादेमले ३ विकेट लिएका थिए ।