कोरोनाका कारण मर्नेको संख्या २ लाख ४८ हजार नाघ्यो

२२ बैशाख, हेटौंडा । विश्वभर महामारीका रुपमा फैलिएको कोरोना भाइरसको संक्रमणका कारण ज्यान गुमाउनेको संख्या २ लाख ४८ हजार नाघेको छ ।
कोरोना भाइरसको तत्थ्याङक सार्वजनिक गरिरहेको वेवसाइट वल्डोमिटरका अनुसार सोबार बिहानसम्म कोरोना भाइरसको संक्रमणका कारण २ लाख ४८ हजार १३५ जनाको ज्यान गइसकेको छ ।
विश्वभर संक्रमितको संख्या ३५ लाख ६३ हजार ३ सय ३५ पुगेको छ । ११ लाख ५३ हजार ८ सय ४७ जना उपचारपछि निको पनि भएका छन् ।
कोरोनाको संक्रमणबाट सबैभन्दा बढी मानिसको मृत्यु अमेरिकामा भएको छ । यहाँ अहिलेसम्म ६८ हजार ५ सय ८७ जनाको मृत्यु भईसकेको छ । पछिल्लो २४ घण्टामा अमेरिकामा १ हजार १ सय ४३ जनाको मृत्यु भएको छ । 
अमेरिकापछि अहिलेसम्म इटलीमा सबैभन्दा बढी मानिसको मृत्यु भएको छ । यहाँ कोरोना संक्रमणबाट ज्यान गुमाउँनेको संख्या २८ हजार ८ सय ८४ पुगेको छ । पछिल्लो समय मृत्यु दर कम भइरहेको इटालीमा २४ घण्टामा थप १ सय ७४ जनाको मृत्यु भएको छ ।
यसैगरी स्पेनलाई पछिपार्दै बेलायत सबैभन्दा बढी संक्रमित मृत्यु हुनेको तेश्रो स्थानमा पुगेको छ । यहाँ अहिलेसम्म २८ हजार ४ सय ४६ जनाको ज्यान गएको छ । पछिल्लो २४ घण्टामा मात्रै यहाँ ३ सय १५ जनाको मृत्यु भएको छ । 
यसैगरी कोरोनासंग जुधिरहेको अर्को यूरोपेली मुलुक स्पेनमा ज्यान गुमाउनेको संख्या २५ हजार २ सय ६४ पुगेको छ । स्पेनमा पनि विगत केही दिन यता मृतकको संख्या घटिरहेको छ । 
यसैगरी फ्रान्समा संक्रमणबाट मृत्यु हुनेको संख्या २४ हजार ८ सय ९५ पुगेको छ । यहाँ पछिल्लो समय १ सय ३५ जनाको ज्यान गएको छ ।
यसैगरी कोरोना भाइरसको संक्रमणबाट अहिलेसम्म बेल्जियममा ७ हजार ८ सय ४४, जर्मनीमा ६ हजार ८ सय ६६, ब्राजिलमा ७ हजार २५, मध्यपूर्वी एसियाली मुलुक इरानमा ६ हजार २ सय ३, नेदरल्याण्डसमा ५ हजार ५६, चिनमा ४ हजार ६ सय ३३, क्यानडामा ३ हजार ६ सय ८२, टर्कीमा ३ हजार ३ सय ९७, स्वेडेनमा २ हजार ६ सय ७९, मेक्सिकोमा २ हजार ६१, स्विटजरल्याण्डमा १ हजार ७ सय ६२ जनाले ज्यान गुमाएका छन् ।
यसैगरी वल्डोमिटरका अनुसार दक्षिण एसियाली मुलुक भारतमा अहिलेसम्म १ हजार ३ सय ९१ जनाको ज्यान गएको छ । यहाँ पछिल्लो समय ६८ जना मृत थपिएका छन् । यस्तै अर्को दक्षिण एसियाली मुलुक पाकिस्तानमा मृत्यु हुनेको संख्या ४ सय ५७ पुगेको छन् । यहाँ २० जना मृतक थपिएका छन् ।