१४ लाख बढी मानिस जस्ले कोरोना जिते

२९ बैशाख, हेटौंडा । विश्वभर महारामारीको रुपमा फैलिरहेको कोरोना भाइरस (कोभिड–१९) लाई जितेर स्वस्थ्य हुँदै घर फर्कनेको संख्या पनि प्रत्येक दिन बढी रहेको छ ।
कोरोना भाइरसको तत्थ्याङक सार्वजनिक गरिरहेको वेवसाइट वल्डोमिटरका अनुसार अहिलेसम्म कोरोनालाई जितेर १४ लाख ९० हजार ५ सय ४५ जना मानिस स्वस्थ्य भएका छन् ।
कोरोनाबाट सबैभन्दा बढी प्रभावित अमेरिकामा कोरोना संक्रमणबाट ८० हजार बढीको मृत्यु भएको छ भने २ लाख ५६  हजार ३ सय ५६ जना मानिस उपचारपछि निको भएर घर फर्किएका छन् । अमेरिकामा अझैपनि १० लाख ३० हजार ५ सय १५ जनामा कोरोना संक्रमण छ ।
अमेरिका पछि बढी कोरोनाबाट प्रभावित बनेको स्पेनमा १ लाख ७६ हजार ४ सय ३९ जना उपचारपछि निको भएका छन् भने इटालीमा १ लाख ५ हजार १ सय ८६ जना मानिस निको भएर घर फर्किएका छन् ।
यसैगरी कोरोनाले तिब्रगतिमा संक्रमण फैलाईरहेको जर्मनी उपचार पछि निको हुने मानिसहरुको संख्या पनि उत्तिकै छ । यहाँ अहिलेसम्म १ लाख ४४ हजार ४ सय मानिसहरु उपचारपछि निको भएर घर फर्र्किएका छन् । 
यस्तै फ्रान्स, चिन, इरान, टर्की, रसिया, ब्राजिल, स्विटजरल्याण्ड, क्यानडा, बेल्जियम जस्ता कोरोनाबाट बढी प्रभावित मुलुकहरुमा उपचारपछि निको भएर घर फर्कनेको संख्या पनि बढीरहेको छ ।