कोरोनाबाट विश्वभर २ लाख ८७ हजार बढीको मृत्यु

३० वैशाख, हेटौंडा । कोरोना भाइरसबाट विश्वभर मृत्यु हुनेको संख्या २ लाख ८७ हजार २ सय ५० पुगेको । यस्तै कोरोनाबाट संक्रमित संख्या ४२ लाख ५३ हजार ७ सय ९९ पुगेको छ ।
कोरोनाबाट कुल संक्रमित मध्ये १५ लाख २७ हजार २ जना उपचारपछि निको भएका छन् भने ४६ हजार ९ सय ४० जनाको अवस्था गम्भिर छ ।
कोरोना भाइरसको तत्थ्याङक सार्वजनिक गरिरहेको वेवसाइट वल्डोमिटरको पछिल्लो तथ्यांक अनुसार अमेरिकामा एकैदिन १ हजार ८ जनाको मृत्यु हुँदा यहाँ अहिलेसम्म ८१ हजार ७ सय ९५ जनाको मृत्यु भएको छ ।
यस्तै अमेरिकामा १३ लाख ८५ हजार ८ सय ३४ जना संक्रमित भइसकेका छन् । यहाँ एकैदिन १८ हजार बढी संक्रमित थपिएका छन् ।
यस्तै कोरोना संक्रमणबाट बेलायतमा ३२ हजार ६५ जनाको मृत्यु भएको छ भने इटलीमा ३० हजार ७ सय ३९ जनाको मृत्यु भएको छ । 
स्पेनमा २६ हजार ७ सय ४४, फ्रान्समा २६ हजार ६ सय ४३, ब्राजिलमा ११ हजार ६ सय २५, बेल्जियममा ८ हजार ७ सय ७, इरानमा ६ हजार ६ सय ८५ मानिसको मृत्यु भएको छ । 
रुसमा संक्रमित संख्या २ लाख २१ हजार ३ सय ४४ पुगिसक्दा पनि अन्य देशको तुलनामा मृत्यु दर भने कम छ । 
दक्षिण एसियाका भारत र पाकिस्तानमा पनि कोरोनाले विस्तारै प्रभाव जमाउँदै गएको छ । भारतमा ७० हजार ७ सय ६८ मानिसहरु संक्रमित भएका छन् । यहाँ २ हजार २ सय ९४ जना मानिसको संक्रमणबाट मृत्यु भएको छ । 
यस्तै पाकिस्तानमा संक्रमितको संख्या  ३० हजार ९ सय ४१ पुगेको छ भने मृत्युहुनेको संख्या ६ सय ६७ रहेको छ ।