विश्वभर एकैदिन १ लाख भन्दा बढी संक्रमित थपिए

९ जेठ, हेटौंडा । विश्वभर महारामारीको रुपमा फैलिरहेको कोरोना भाइरस (कोभिड–१९) बाट बितेको २४ घण्टामा विश्वभर १ लाख भन्दा बढी मानिसहरु संक्रमित भएका छन् ।
कोरोना भाइरसको तत्थ्याङक सार्वजनिक गरिरहेको वेवसाइट वल्डोमिटरका अनुसार पछिल्लो २४ घण्टामा १ लाख ६ हजार १ सय ५३ जना नयाँ संक्रमित थपिएका छन् । यो संगै विश्वभर कुल संक्रमितको संख्या ५१ लाख ८९ हजार ५ सय ६४ पुगेको छ ।
कुल संक्रमित मध्ये अहिलेसम्म ३ लाख ३४ हजार १ सय १९ जनाको मृत्यु भइसकेको छ । २० लाख ७८ हजार ६ सय ३१ जना उपचारपछि निको भएर घर फर्किएका छन् ।
विश्वमा सबैभन्दा बढी मानिस अमेरिकामा संक्रमित भएका छन् । यहाँ अहिलेसम्म १६ लाख २० हजार ८ सय ४३ जना मानिस संक्रमित भएका छन । पछिल्लो २४ घण्टामा अमेरिकामा २८ हजार १ सय २० जना नयाँ संक्रमित थपिएका छन् ।
अमेरिकापछि रसियामा संक्रमितको संख्या सबैभन्दा बढी रहेको छ । यहाँ ३ लाख १७ हजार ५ सय ५४ जना संक्रमित रहेका छन् । यहाँ २४ घण्टामा ८ हजार ८ सय ४९ जना नयाँ संक्रमित थपिएका छन् ।
केही समय यता लागातार संक्रमित र मृतकको संख्या बढीरहेको दक्षिण अमेरिकी मुलक ब्राजिलमा कुल संक्रमितको संख्या ३ लाख १० हजार ८७ पुगेको छ । यहाँ पछिल्लो २४ घष्टामा १६ हजार ७ सय ३० जना नयाँ संक्रमित थपिएका छन् ।
यस्तै संक्रमितको संख्या लगातार घटिरहेको स्पेनमा अहिलेसम्म २ लाख ८० हजार १ सय १७ जना संक्रमित पुगेका छन ।
यसैगरी बेलायतमा संक्रमितको संख्या २ लाख ५० हजार ९ सय ८ पुग्दा इटलीमा कोरोना संक्रमितको संख्या २ लाख २८ हजार ६ पुगेको छ ।
यसैगरी फ्रान्स, जर्मनी, टर्की, इरान, भारत, पेरु लगाएतका मुलुकहरुमा संक्रमितको संख्या दिनानुदिन बढिरहेको छ । फोटोः गुगल