बिश्वभर कोरोना संक्रमितको संख्या ८० लाख नाघ्यो

१ असार, हेटौंडा । बिश्वब्यापी महामारीको रूपमा फैलिएको कोरोना भाइरस अर्थात कोभिड १९ को सङ्क्रमितको संख्या ८० लाख नाघेको छ ।
कोरोनाको तथ्यांक सार्बजनिक गरिरहेको वेबसाईट वर्ल्डोमिटरका अनुसार ८० लाख १३ हजार भन्दा बढी मानिस कोरोना संक्रमीत भएका छन् ।
यस्तै विश्वमा ४१ लाख ३७ हजार भन्दा बढीले कोरोना माथि बिजय पाएका छन् भने ४ लाख ३५ हजार ८ सय ४० जनाको ज्यान गएको छ ।
अहिलेसम्म सबैभन्दा बढी अमेरिकामा २१ लाख ६२ हजार भन्दा बढी सङ्क्रमित भएका छन् । त्यहाँ अहिलेसम्म ८ लाख ७० हजार ५० जना उपचार पछि निको भएका छन् भने एक लाख १७ हजार ८ सय ५८ जनाको ज्यान गएको छ ।
यस्तै सङ्क्रमण धेरै भएको देशको दोस्रो स्थानमा रहेको ब्राजिलमा ८ लाख ६७ हजार ८ सय ८२ जना सङ्क्रमित भएका छन् ।
ब्राजिलमा ४ लाख ५३ हजार ५ सय ६८ जनाले कोरोनालाई जितेका छन् भने ४३ हजार ३ सय ८९ जनाको ज्यान गएको छ ।
यसैगरी रुसमा ५ लाख ३७ हजार २ सय १० जना सङ्क्रमित छन् भने ७ हजार ९१ जनाको ज्यान गएको छ । रुसमा २ लाख ४५ हजार ५ सय ८० जना निको भएका छन् ।
चौथो स्थानमा रहेको भारतमा सङ्क्रमितको संख्या ३ लाख ३२ हजार ७ सय ८३ पुगेको छ । भारतमा ९ हजार ५ सय २३ जनाको ज्यान गएको छ ।