हेटौंडाकी सुजिताले बागमती प्रदेशबाट प्रधानमन्त्री कप महिला राष्ट्रिय क्रिकेट खेल्ने

google

१३ पुस, हेटौंडा । पुस ११ गतेबाट दाङमा सुरु भएको प्रधानमन्त्री कप महिला राष्ट्रिय क्रिकेट प्रतियोगितामा सहभागी हुने बागमती प्रदेशको टिमबाट मकवानपुरकी सुजिता थापाले पनि खेल्ने भएकी छन् ।
पुस ११ र १२ गते चितवनमा भएको छनौटबाट महिला टिममा परेसँगै मकवानपुरकी थापाले पनि प्रधानमन्त्री कप महिला राष्ट्रिय प्रतियोगिता खेल्ने भएकी हुन् । छनौटका लागी मकवानपुरकी थापासँगै काठमाडौंबाट १४ र चितवनबाट १७ जना खेलाडीहरु सहभागी भएका थिए । उनीहरुमध्येबाट १४ जना खेलाडी छनौट भएका हुन् । 
मकवानपुरकी थापासँगै टिममा कप्तान अशमिना कर्माचार्य, उपकप्तान सुमन खतिवडा, कञ्चन श्रेष्ठ, आरती बिडारी, अस्मिता खरेल, हलेसी गुरुङ, निशा तामाङ, सुजिता थापा, अनिशा मजाकोटी, रविना बिशङ्खे, खुसी डंगोल, बिन्दु राटोल, कृष्मा गुरुङ र केनुका बस्नेत रहेका छन् । यस्तै अतिरिक्त खेलाडीमा एस्टर गुरुङ, सञ्जिता भटराई, एन्नी पोख्रेल र निकिता एमडा रहेकी छिन् ।
पुस ११ बाट सुरु भएको प्रतियोगितामा समुह एको खेल चल्दै गर्दा एपीएफ र लुम्बिनी प्रदेश सेमिफाइनल पुगिसकेका छन् । बागमतीले प्रतियोगितामा आफ्नो पहिलो खेल मंगलबार खेल्ने छ । प्रतियोगिता अन्तर्गत आज सोमबार दूई खेल हुँदै छन् ।