बागमती प्रदेशको क्रिकेट टोलीमा मकवानपुरका ४ खेलाडी समावेस

२८ पुस, हेटौंडा । माघ २ गतेबाट हुने प्रधानमन्त्री कप पुरुष क्रिकेट प्रतियोगिताको लागी बागमती प्रदेशस्तरीय टिम छनोटका लागि बन्द प्रशिक्षणमा मकवानपुरका चारजना खेलाडी समेटिएका छन् । 
बागमती प्रदेशले बन्द प्रशिक्षणको लागी टिमको घोषणा गरेसँगै मकवानपुरका ४ जना खेलाडी टिममा परेका हुन् । टिममा मकवानपुरका विशाल फुयाल, तक्षक सिम्खडा, रामनरेश गिरी, रिजन ढकाल परेका हुन् ।
बागमती प्रदेशले प्रतियोगिताको लागी नेपालको राष्ट्रिय टोलीका पूर्व कप्तान पारश खड्का सहित २५ सदस्सीय टिमको घोषणा गरेको हो । टिममा पूर्व कप्तान पारस खड्का सहित कप्तान ज्ञानेन्द्र मल्ल, पृथु बास्कोटा, इशान पाण्डे, आदील खान, आकाश थापा, बिभत्सु थापा, नन्दन यादब र गौतम केसी रहेका छन् । 
यसैगरी सुमित झा, अरियो पौडेल, सुवास खत्री, विपिन आचार्य, पवन गोपाल श्रेष्ठ, जितेन्द्र सिंह ठकुरी, दिपेश श्रेष्ठ, तिलक राज भण्डारी, राजेश रिमाल, संघर्ष पौडेल, प्रतिक श्रेष्ठ र नभिन यादब टिममा रहेका छन् ।  
पुरुष प्रधानमन्त्रीकप क्रिकेट माघ २ गतेबाट टियु क्रिकेट मैदान र मुलपानी क्रिकेट मैदानमा सुरु हुँदैछ । प्रतियोगितामा ३ विभागिय टोली सहित ७ प्रदेशको सहभागिता रहनेछ ।