माघ ६ गतेबाट हुने भनिएको भेट्रन्स कप फुटबल एकदिन अगावै सुरु हुने

file photo

२ पुस, हेटौंडा । आगामी माघ ६ गतेदेखी हेटौडाको हुप्राचौरमा आयोजना गरीने भनिएको हेटौडा भेट्रान्स कप एट ए साइड फुटबल खेलको छैंटौ संस्करण ५ गते देखीनै आयोजना गरीने भएको छ । 
प्रतियोगितामा सहभागी हुने टिमको संख्या धेरै भएपछि प्रतियोगिता एकदिन अगाबै सुरु गर्न लागिएको कार्यक्रम संयोजक कविन सांगामीले जानकारी दिए । ६ गतेदेखी गर्ने भनिएकोमा १० गते फाईनल गराउन नभ्याउने भएका कारण एक दिन अगाबै खेल सुरु गर्न लागीएको उनको भनाई छ ।
यसबर्ष प्रतियोगीतामा २० टिमले सहभागीता जनाउँने पक्का भएको जानकारी दिँदै प्रतियोगीताको सम्पुर्ण तयारी पुरा भएको संयोजक सांगामीले बताए ।
हेटौडा भेट्रान्स क्लबको आयोजनामा हुने प्रतियोगीतामा चालिस वर्ष माथिका उमेर समुहका पुर्व राष्ट्रिय खेलाडीहरुको सहभागीता रहने कल्बका उपाध्यक्ष नवराज बज्रचार्यले बताए । छैटौ संस्करणको प्रतियोगितामा विजेताले नगद १ लाख १ हजार १ सय ११ र उपविजेताले ५१ हजार १ सय ११ रुपैया नगद सहित मेडल, प्रमाण पत्र र शिल्ड प्राप्त गर्ने बज्राचार्यले जानकारी दिए ।
यस्तै प्रतियोगिताको सर्वश्रेष्ठ खेलाडीले १० हजार नगद पुरसकार पाउँने छन् भने सर्वश्रेष्ठ मिडफिल्डर, फरवार्ड, डिफेन्स, गोलकिपर र टिम प्रशिक्षकलाई जनही ५ हजारका दरले पुरस्कार प्रदान गरीने संयोजक साँगामीले बताए । प्रत्येक खेलको म्यानअफ द म्याचको पनि पुरस्कारको व्यवस्था गरिएको आयोजकले जनाएको छ । 
गत वर्ष सम्पन्न पाचौं राष्ट्रिय भेन्ट्रान्स कपको उपाधि बगरभाइ खलक पोखराले जितेको थियो ।