प्रधानमन्त्री कप क्रिकेट प्रतियोगिताः बागमतीको विजयी सुरुवात

४ माघ, हेटौंडा । प्रधानमन्त्री कप राष्ट्रिय पुरुष क्रिकेट प्रतियोगितामा बागमती प्रदेशले विजयी सुरुवात गरेको छ ।
आइतबार भएको खेलमा विभागीय टोली नेपाल पुलिस क्लबलाई ७ विकेटले हराउँदै बागमती प्रदेशले विजयी सुरुवात गरेको हो ।
कीर्तिपुर स्थित त्रिवि क्रिकेट मैदानमा पुलिसले जितका लागि दिएको ११२ रनको लक्ष्य बागमती प्रदेशले ३४ ओभर ४ बलमा ३ विकेट गुमाउँदै भेट्टायो । 
बागमतीका लागि पृथु बास्कोटाले सर्वाधिक ४८ रनको योगदान गरे । ६६ बल खेलेका उनले ५ चौका र ३ छक्का प्रहार गरेका थिए । त्यस्तै पारस खड्काले १७ रन बनाउदा इशान पाण्डेले १७ रनको योगदान गरे । 
बलिङतर्फ  पुलिसका लागि दीपेन्द्रसिंह ऐरी र ललित नारायण राजवंशीले समान १ ÷ १ विकेट लिए । यसअघि टस हारेर पहिले ब्याटिङ गरेको पुलिसले ३० ओभर ३ बलमा सबै विकेट गुमाउँदै १११ रन बनाएको थियो ।  
पुलिसका लागि कप्तान दीपेन्द्रसिंह ऐरी र आरिफ सेखले २१÷२१ रन बनाउँदा सुनील धमला र सुशल भुर्तेलले १७÷१७ रन बनाए ।
बलिङतर्फ वाग्मती प्रदेशका लागि नन्दन यादवले सर्वाधिक चार विकेट लिए । त्यस्तै तिलक भण्डारीले पनि चार विकेट लिँदा रामनरेश गिरीले दुई विकेट लिए ।
प्रतियोगिताको पहिलो खेल जित निकाल्दै बागमतीले सुखद सुरुवात गरेको छ भने उपाधि दाबेदार मानिएको पुलिस पहिलो खेलमै पराजित भएको छ ।