प्रधानमन्त्री कप क्रिकेटः बागमतीको लगातार तेस्रो जित

९ माघ, हेटौंडा । राजधानीमा जारी प्रधानमन्त्री कप एकदिवसीय पुरुष क्रिकेट प्रतियोगितामा बागमती प्रदेशले लगातार तेस्रो जित निकालेको छ ।
मुलपानी क्रिकेट मैदानमा शुक्रबार प्रदेश–२ लाई ६ विकेटले पराजित गर्दै बागमतीले लगातार तेस्रो जित निकालेको हो । शुक्रबार भएको खेलमा प्रदेश २ ले दिएको १ सय ८० रनको लक्ष्य बागमतीले ४८ ओभर २ बलमा ४ विकेट गुमाएर पुरा गर्यो ।
बागमतीको जितमा पृथु बास्कोटाले ५३, बिभत्सु थापाले ४७,  आकाश थापाले इशान पाण्डे १५ रन बनाउदा आदील खान ५ रन र कप्तान ज्ञानेन्द्र मल्ल ७ रन बनाए । प्रदेश २ का लागी हरिशंकर शाहले २ तथा विशाल सुसलिङ र कुमार थापाले १÷१ विकेट लिए । 
यस अघि टस जितेर पहिले ब्याटिङ गरेको प्रदेश २ ले ४८ ओभर २ बलमा अलआउट हुँदै १ सय ७९ बनाएको थियो । 
प्रदेश–२ का लागि विवेक यादवले ६६, कुमार थापाले २२, राहुल प्रताप सिंहले १८, सुधिर चौधरीले १५ र कप्तान सुरज कुर्मीले १३ रन बनाए । प्रदेश–२ लाई सस्तैमा समेट्न बागमतीका गौतम केसीले ४ विकेट लिदा रामनरेश गिरीले २ तथा नन्दन यादव, तिलक भण्डारी र विपिन आचार्यले १÷१ विकेट लिए ।
जितसंगै बागमतीले ३ खेलमा ६ अंक जोडेको छ । समूह ’बी’ को बागमती सेमिफाइनल नजिक समेत पुगेको छ ।