भिडोल विजय युथ हेटौंडा गोल्डकप:भरतपुरको विजयी सुरुवात

१६ माघ,हेटौँडा । हेटौँडामा आजबाट सुरु भएको भिडोल विजय युथ हेटौंडा गोल्डकप’ फुटबलको उदघाटन खेलमा सेन्ट्रल कलेज विएसी भरतपुरले विजयी सुरुवात गरेको छ। 

विजय युथ क्लबको आयोजनामा आजबाट हेटौँडा-१० मा रहेको वन विज्ञान क्याम्पसको खेल मैदानमा सुरु भएको गोल्डकपको उदघाटन खेलमा मकवानपुर ११ लाई हराउँदै सेन्ट्रल कलेज विएसी भरतपुरले विजयी सुरुवात गरेको हो।

आज भएको उदघाटनको पहिलो खेलमा भरतपुरले मकवानपुर ११ लाई २ का विरुद्ध १ गोल अन्तरले पराजित गर्दै विजयी सुरुवात गरेको हो।खेलको पहिलो हाफको ५ मिनेटमा भरतपुरका तर्फबाट  विदेशी खेलाडी जोल ग्लोरीले पहिलो गोल गरेका थिए ।त्यसैगरी  पहिलो हाफको ३२ औ मिनेटमा ऋषि मोक्तानले टिमलाई  जिताउन दोस्रो गरे । मकवानपुर ११ का लागि भने रन्जित आलेमगरले पहिलो हाफको १२ औ मिनेटमा सान्त्वना गोल गरेका थिए। 

माघ २३ गते सम्म संचालन हुने गोल्डकपमा १० टिमको सहभागिता रहेको छ। प्रतियोगितामा विजेताले नगद ३ लाख र उपविजेताले १ लाख ५० हजार रुपैयाँ प्राप्त गर्ने छन् । त्यसैगरी भोली दुई खेल हुने आयोजकले जनाएको छ। भोलीको पहिलो खेल पहिलो खेल वीरगञ्ज युनाइटेड र हर्दि युवा समाज राप्तीबीच हुनेछ भने दोस्रो खेल वीरगञ्ज युथ एकेडेमी र दुधौली स्पोट्र्स क्लब सिन्धुलीबीच हुने गोल्डकप संयोजक राजेश भेटवालले जानकारी दिएका छन्।