रेडियो मकवानपुर मिडियाकप फुटसल: रेडियो सन्देश र टिम टिभि फाइनलमा

२०माघ,हेटौँडा । रेडियो मकवानपुरको बार्षिक उत्सवको आयोजित मिडिया कप फुटसल प्रतियोगितामा रेडियो सन्देश र टिम टिभि फाइनलमा प्रवेश गरेका छन्।आज भएको  रेडियो सन्देश रेडियो मकवानपुर र रेडियो आकाशगंगालाई हराउँदै फाइनलमा प्रवेश गरेको हो। 

यस्तै आज भएको अर्को खेलमा टिम टिभीले सकृय पत्रकार समूह र नवयुग अनलाइन मिडियालाई हराउँदै उपाधि भिडन्त पक्का गरेको हो ।प्रतियोगिताको विजेताले नगद १५ हजार र उपविजेताले नगद ७ हजार रुपैयाँसहित ट्रफी प्राप्त गर्नेछ । 

फाइनल खेलअघि महिला पत्रकारहरुको बीचमा मैत्रीपूर्ण फुटसल प्रतियोगिता समेत हुने रेडियो मकवानपुरका स्टेसन म्यानेजर गणेश दर्पण अधिकारीले बताएका छन्।आजबाट सुरु भएको मिडिया कप फुटसलको बागमती प्रदेश खेलकुद परिषद्का सदस्य सचिव सूर्यलाल भण्डारीले प्रतियोगिताको उद्घाटन गरेका हुन् । 

रेडियो मकवानपुर सञ्चालक समिति अध्यक्ष आनन्दराम पराजुलीको अध्यक्षतामा भएको कार्यक्रममा नेपाल पत्रकार महासंघ बागमती प्रदेश सल्लाहकार गिरिजा अधिकारी, पत्रकार महासंघ मकवानपुर अध्यक्ष हरि हुमागाइँले  मकवानपुर जिल्ला फुटबल संघका अध्यक्ष टीकाराम लामा , मकवानपुर जिल्ला खेलकुद विकास समितिका कार्यालय प्रमुख राजन दाहाल खुसराज, मकवानपुर उद्योग वाणिज्य संघका बरिष्ठ उपाध्यक्ष माधव न्यौपाने, दिव्यतारा बहुउद्देश्यीय सहकारी संस्थाका व्यवस्थापक रमेश कोइराला, पत्रकार महासंघ मकवानपुर उपाध्यक्ष कुमार अधिकारी, प्रेस युनियन उपाध्यक्ष मणिराज गौतम, मकवानपुर जिल्ला फुटबल संघ सदस्य विकेशलाल श्रेष्ठलगायतको आतिथ्यता रहेको थियो ।

मिडियाकप फुटबलको फाइनल खेल बुधबार हुने आयोजकले जनाएको छ।रेडियो आफ्नो बार्षिक उत्सवको अवसरमा गतबर्ष देखि प्रतियोगिता गर्दै आएको छ।